Video
Read full review
2018-11-16
111 views
由於朋友唔好西餐平時多數同佢食壽司今次轉中菜因為中菜氣氛寧舍有warm嘅感覺上次食完羲和雅苑之後一直念念不忘裝修雅緻屏風用半透明嘅玻璃有通透感先唔會嘥咗個靚海景餐廳有outdoor個景係食正最靚角度嘅維港Menu精美好似一本寫真集咁食物花多眼亂每款都想試但烤鴨係必嗌本來濃味食物兼重頭戲應該後上但因為太期待所以麻煩店員幫我地上咗先羲和雅苑嘅配料係特別多分新式食法同傳統食法新式醬有芥末 藍莓 洋蔥絲 同爆炸糖傳統有甜麵醬 青瓜 山楂 蔥餅皮上檯時冒煙皮薄 唔乾唔濕 唔厚唔薄 啱啱好鴨肉分三碟 純鴨皮最多脂肪 配藍莓醬 或爆炸糖藍莓醬呢個食法好新鮮亦只有純鴨皮咁濃味至撞得起同樣濃味嘅藍莓醬中間鴨胸皮 最嫩滑 配芥末醬最左係鴨脾皮 最香脆 包餅皮食 配上述中西醬料鴨皮底係個熱爐 非常貼心 保持鴨肉溫度 香而不騷紅酒雪梨糯米藕雪梨清甜爽口染做鮮紅色打直加上水紋圓碟呢個角度我聯想起日本嘅枯山水蓮藕塞糯米底下係蜜糖一清一稠配搭得好好磯煮鮑魚88蚊隻但鮑魚肉質爽實 好唔錯醃過嘅味道有少少介乎雞精（in a good way)同日本包裝磯燒元貝山藥燕窩羹清甜通透 羹嘅口感做得好松茸素佛跳牆松茸極香濃 雖
平時多數同佢食壽司
今次轉中菜
因為中菜氣氛寧舍有warm嘅感覺
上次食完羲和雅苑之後一直念念不忘
裝修雅緻屏風用半透明嘅玻璃
有通透感
先唔會嘥咗個靚海景
餐廳有outdoor
個景係食正最靚角度嘅維港
Menu精美
好似一本寫真集咁
食物花多眼亂
每款都想試
但烤鴨係必嗌
本來濃味食物兼重頭戲應該後上
但因為太期待
所以麻煩店員幫我地上咗先
羲和雅苑嘅配料係特別多
分新式食法同傳統食法
新式醬有芥末 藍莓 洋蔥絲 同爆炸糖
傳統有甜麵醬 青瓜 山楂 蔥
餅皮上檯時冒煙
皮薄 唔乾唔濕 唔厚唔薄 啱啱好
鴨肉分三碟
純鴨皮最多脂肪 配藍莓醬 或爆炸糖
藍莓醬呢個食法好新鮮
亦只有純鴨皮咁濃味至撞得起同樣濃味嘅藍莓醬
中間鴨胸皮 最嫩滑 配芥末醬
最左係鴨脾皮 最香脆 包餅皮食 配上述中西醬料
鴨皮底係個熱爐 非常貼心 保持鴨肉溫度 香而不騷
紅酒雪梨糯米藕雪梨清甜爽口
染做鮮紅色打直
加上水紋圓碟
呢個角度我聯想起日本嘅枯山水
蓮藕塞糯米
底下係蜜糖
一清一稠
配搭得好好
磯煮鮑魚88蚊隻但鮑魚肉質爽實 好唔錯
醃過嘅味道有少少介乎雞精（in a good way)同日本包裝磯燒元貝
山藥燕窩羹
清甜通透 羹嘅口感做得好
松茸素佛跳牆松茸極香濃 雖為素食 香媲美肉湯
張氏獅子球
細細個砂鍋 但獅子頭滾燙
呢個飯份量係幾口
獅子頭咁開胃
我可以同人講我送十碗飯都得了
蒜茸粉絲娃娃菜娃娃菜以花開狀上碟
好意頭
蒜茸粉絲好香 平時唔太食菜都不知不覺食哂成碟
甜品嗌咗一個杏仁豆腐
一個燕窩紫薯蒸蛋白火候啱啱好
燕窩充料
輕巧嘅燕窩配厚重嘅紫薯
上面放金萡
賣相已經精緻
食落蛋白香甜幼滑
非常完滿
Post
