200
25
31
7-min walk from Exit L5, Tsim Sha Tsui / East Tsim Sha Tsui MTR Station continue reading
Telephone
21573128
Introduction
This Chinese restaurant is famous for Peking duck. You can enjoy the view of the Victoria Harbor here. The Peking duck 3 ways included duck breast skin with blueberry sauce and pop rocks, duck breast with mustard, and duck leg with pancakes and scallions. continue reading
Opening Hours
Today
12:00 - 23:00
Mon - Sun
12:00 - 23:00
Payment Method
Visa Master Cash UnionPay
Other Info
Wi-Fi
Alcoholic Drinks
Phone Reservation
10% Service Charge
Outdoor Seating
Review (302)
又到年尾,完晒project,梗係要同一大班朋友慶功,話明係慶功宴,當然要搵一個比較有體面嘅地方,慢慢食慢慢傾,最近見網上有人推介海港城呢間京菜館,決定喺度豪食番次!剛剛點完菜,一個好有笑容嘅店員建議我哋出去睇吓景吹下海風,影吓相,服務好貼心啊!如果瓶片的話,相信景色會好靚!原來戶外都有卡位,秋天嚟食坐戶外位,一定係超級享受。不過依家冬天,寒風刺骨,都係坐返室內好啲。喺戶外影相10幾分鐘,一返到黎見到大部份菜式已經上齊,準備開動啦! 打頭陣嘅係馳名烤鴨,店員將全隻新鮮熱辣辣嘅烤鴨端出來,係我地面前一下一下咁將鴨皮同肉片出來,見到烤鴨冒著絲絲輕煙,真係流晒口水。店員逐一介紹不同部位的食法,首先係鴨胸皮,點藍莓醬和爆炸糖,鴨胸皮喺口中慢慢溶化,加上藍莓嘅甜味慢慢滲出,口味獨特,當爆炸糖都開始溶化時,口中噼噼啪啪的響着,係前所未有嘅口感,真係好欣賞廚師嘅創意。店員建議較多肉嘅部份點芥末醬食,自家調配嘅醬汁果然係唔同啲,滲透出一陣陣芥末籽香氣,又不太嗆鼻,加上有少少酸酸甜甜,食多幾件都唔覺得油膩。其他部份嘅鴨肉,就可以用餅皮包住,店員推薦一種西式食法,就係山楂條加青瓜絲,真係點都估唔到山楂條嘅酸甜果香會同鴨肉咁夾,我想這和野莓薄荷醬點鹿肉嘅原理差不多吧。跟住就係一大盤正宗水煮桂花魚!桂花魚味道10分鮮甜,爽口彈牙,而且廚師早已將魚片片開,淡淡都係肉,不用吐骨。水煮湯底有大量配菜,有薯粉和芽菜,食完成條魚之後仲有好多配菜可以食,芽菜針浸係充滿花椒香味嘅湯底,索晒汁好好食。 這是我全年食過最好食嘅口水雞!口水雞的精髓在於醬汁和雞肉的質地,這個醬汁10分濃郁,加入大量花生碎、麻醬、白芝麻、京蔥等等,味道層次豐富,每一夠嫩滑嘅雞件都被醬汁重重包圍,值得一讚。雖然人均消費一啲都唔低,但有180度無敵維港景色,加上高水準著名京菜,貴啲都值得。 continue reading
(The above review is the personal opinion of an user which does not represent OpenRice's point of view.)
Level4 2018-08-18
11494 views
耷耷眼時常話我眼大,前面有舊屎都睇唔到,我睇唔到啫,但又踩唔到,佢眼細,乜都睇到,睇到不合意,就唔開心。餐牌相又係靚,室内設計以中國典雅及簡潔風,配合北京菜風味;白牆,黑木條,想起吳冠中雙燕,但配新穎枱椅,又有不同看法。未埋位我就發現匙花,即鋼水差(但六公館,遠望都令立立,可照鏡),最弊是茶壼,玻璃咖啡壼,完全破壞整體環境,放一大包普洱茶,好快深,$20位茶,茶葉不需要多,要香滑。食物賣相都無失望,盛載器皿,日本式,不過不失(六公館有自家美學)。桂花蜜山藥$48,爽,少黏液,桂花香味小。黑醋雲耳$48,红辣椒粒,酸辣蒜,初初無問題,量都大,因其他食物都有醋,所以食到一半,就會過酸辣,頂唔住,用水沖淡。獅子球$48,網球大小,無肥肉,嫩到溶,做得算錯,要熟又不鞋,考工夫,有醋味,但不酸,有味又不太咸,配小碗白飯,絕對對。炸醬麵$78,豬肉炸乾在黑麵醬内(咸),辣油(好辣,少少就夠,香),醋,大豆(?無味,吾知點解放,北京?),大白菜,白蘿蔔絲(染淺粉),芽菜,青瓜絲,白麵條~淋身,無特別麵香,係食醬。青梅一字骨$138,大件糖醋骨,青梅得2點,唔講都唔知,即糖醋骨,大大件,醋味濃,有嚼勁,起碼不會淋,但夜上海質素好些。因為叫食物都又辣又酸,攪到條脷,似隻狗,條脷係咁伸。看食評,午市有套餐$128,現在無,真唔抵,送現金券。 continue reading
(The above review is the personal opinion of an user which does not represent OpenRice's point of view.)
Level4 2018-08-05
3842 views
有人話想試下呢一度嘅爆炸糖片皮鴨, 聽落好過癮咁大家都話一試無妨。 一早就訂咗位有間角落頭嘅房。 對住維多利亞港嘅, 一去到未有時間欣賞嘅時候, 已經感受到間房熱到個人爭啲頂唔順。 問佢可唔可以開大啲個冷氣佢話已經最大 , 可能因為西斜嘅關係啦我哋喺入面熱到好似蒸籠上面嘅燒賣咁 ,一熱個心情就應不爽。 去到尖沙咀呢啲地方叫做靚靚哋食個中菜都預咗唔平亦都唔會大碟, 但係真心冇諗過會唔好食囉。佢啲嘢上到呢黎個賣相係ok嘅。 食入口你會發覺如果有大排檔嘅話大排檔更加好食。 而真心嗰個所謂嘅爆炸糖片皮鴨你不如同我講熱浪片皮鴨其實係冇分別, 因為根本就完全唔夾, 事但將啲嘢擺埋一齊就當fusion菜。。。喺你面前片隻片皮鴨 , 你見到佢片畀你幾多就係得嗰啲皮啲肉係唔會畀返你嘅亦都冇兩食上到枱幾靚好多配料畀你揀, 有山楂條有酸甜醬又爆炸糖, 不過好可惜 點樣都冇一個好特別又好味嘅口感同味道出咗嚟松露蠔仔餅, 廟街個classic蠔仔餅好食過佢呢個金尊豆腐塊應該係最好味嘅一道菜, 就咁將舊豆腐咋咗佢,哈哈!呢個水煮魚 冇特別好唔好食,但係我諗入面得七至八舊魚左右啦最後唔夠飽仲嗌多一個福建炒飯, 佢啲反應該真係用隔夜飯嘅 因為好硬好乾呢張相影到out focus , 我唔記得咗佢叫咩名佢似牛條咁上下啦,味道可以, 唔會渣形其實間舖有咁嘅境觀有咁嘅環境,食物可唔可以畀番啲心機落去呢呢碟野。。唉。。。唔難食囉六個大人, 食唔飽既情況下,食左差不多三千蚊。其實野食好食返啲, 價錢可接受,話晒有靚景。。太可惜了。 continue reading
(The above review is the personal opinion of an user which does not represent OpenRice's point of view.)
Level4 2018-07-30
10169 views
今天出文之時,兩口子應該抵達莫斯科,希望其後機程及轉機一切順利~對於這次東歐之旅,對自己最大期望是盡快適應 jetlag,同時中國胃老公不要太掛念中菜美食... 也因此選在離開後,才一連發表三篇中菜,首先是 羲和雅苑 的烤鴨麻辣宴! 去年秋天,曾在位處絕美海城港的新店與好友們享用了一頓難忘烤鴨宴;上週一再訪,有雨的晚上景色是不如首訪,但除了重溫美味北京烤鴨,鮮甜黃扒魚肚,又飽嚐了宮保帶子球、海鮮毛血旺、海蟹炒年糕等驚喜新菜式,經歷同樣愉快又飽足! 晚宴先由 桂花蜜山藥 開始,這款有益健康的食物,加上適量桂花蜜及冷藏後,滋味香甜又涼爽,在這悶熱的夏天合胃非常! 接著很快來到是晚焦點、用上北京填鴨烤製的鴨子,每隻約有5斤重;香噴噴、令人垂涎片鴨表演,讓人未吃先興奮;不同是這次選了二吃,繼片皮鴨又有椒鹽鴨架,原來後者超好吃~ 這裡的鴨會片成三碟,分別是:純鴨皮、鴨胸肉、鴨腿肉上檯,全部都有連皮全都好吃;而豐富繽紛八寶盒則有:藍莓醬、芥末醬、甜麵醬、洋蔥條、黃瓜條、蔥條、跳跳糖、山楂條、麼麼皮,最喜歡麼麼皮夠薄又滑,而跳跳糖(其實即是爆炸糖)配鴨皮也非常有趣。 一邊品嚐烤鴨時,店內另一名物---黃扒魚肚 也上檯了,這款源自中國著名官府菜,湯身金黃發亮、濃鮮綿潤、味厚不膩,重點是巨大厚身的矜貴花膠公,吃下去真是滿嘴的膠質與幸福! 還有一項簡單卻扣人心弦的美食---黑椒鹽炸粟米,椒蒜的鹹香迷人,與粟米的甜美可人形成最美妙對比;由於烤鴨我們一共點了兩份(怕不夠喉嘛...),結果粟米竟比烤鴨更快清碟! 其他菜式也陸續有來,首先是肉嫩汁香的 韭香雞,還好沒點白飯,不然單是撈韭菜及醬汁,都要吃飽了! 接著是破格創新的 宮保帶子球;記得這裡的宮保蝦球很好吃,原來改用帶子也同樣足料,一兜共有9粒帶子,襯以微酸微辣略帶甜的宮保汁,美味開胃讓我不客氣鯨吞兩隻。 接著是更加火辣的 酸辣油炆大蝦,此菜初吃只嚐到香甜醬汁及鮮甜蝦滋味,吃下一會辣意才緩緩滲透出來,有點古惑又相當刺激,辣魔可來挑戰一下。 同時也來了道 梅菜干煸四季豆 間場一下,不過這晚的出品未夠乾身,有得揀有得比較我們當然改投其他美食懷抱囉~ 之前講的 椒鹽鴨架 也上檯了,這份被食友譽為最好吃的鴨架,的確炸得乾身剔透、酥香脆口,美味得讓我連吃兩件後仍意猶未盡呢! 沒辦法了,極級足料的 海鮮毛血旺 也上場了;除了豬紅、午餐肉、毛肚、粉絲等材料,又毫不吝嗇加入超大量蝦隻、帶子、魷魚、青口以及最索味的蠔隻,味道不算很辣,反而重香重麻,引死一眾海鮮辣迷! 壓軸還有 海蟹炒年糕,鮮甜又啖啖肉的海蟹,以及軟腍入味的年糕,我真的很難分辦那款更為吸引;只好,兩款通通都往肥腩裡送吧! 超級飽足的一晚,以小盅裝的楊枝甘露作結,香甜完滿不得了。回程的路上天氣轉好,還拍到了晴空下的維港夜景,心情更是感恩!明天再繼續分享尖沙咀另一頓中菜吧~ continue reading
(The above review is the personal opinion of an user which does not represent OpenRice's point of view.)
Level4 2018-07-08
10590 views
有聞這家烤鴨店已久,他們的店遍佈北京、上海等地。他們設店海港城新翼,採全景落地玻璃,維港景色,盡入眼簾。餐廳裝潢古樸又時尚,以雕花木屏風作分隔,格調高雅。雖然環境高格調,但週一至五的午市價格親民。夏曰特價午市自選套餐有齊自選前菜、主菜、鴨湯、時菜同甜品,只是$128!認真抵吃!我們一行二人,一於點一個套餐同以優惠價$198點半隻招牌烤鴨share.前菜:蜜汁脆芋絲嘩啦!估唔到前菜咁震撼!有一大盆炸芋絲!這芋絲炸得酥脆,而不油膩。每條芋絲都均勻地沾上蜜汁,味道香甜而不膩,帶陣陣芋香,令人吃過不停,好吃!福建炒飯$128這福建炒飯材料都幾豐富,有帶子粒、雞蛋、菜心、雞肉、蝦仁、冬菇和紅蘿蔔等等。炒飯炒得好香,芡汁鮮美,滿有瑤柱同上湯的滋味,口感濕潤。羲和鴨湯:雖然是餐湯,但絕不馬夫,湯頭鮮甜,完全吸收了鴨殼的肉香、還有紅蘿蔔和粟米的蔬菜甜味,不錯。田園時蔬:即使是灼菜,也用上湯灼熟,帶一點油光,清淡而味美。甜品是楊枝金露,口感滑溜,芒果味十足,味道酸酸甜甜的,是清新的甜品超值優惠價$198羲和招牌烤鴨半隻,一鴨三吃。這烤鴨分三個部分品嚐。首次是烤鴨胸皮:這烤鴨皮比平曰吃的較為厚身,皮下完全沒有任何肥膏。沾上藍莓醬的鴨皮,味道香甜,入口即化,帶點鴨油的甘香。把鴨胸皮沾上爆炸糖,爆炸糖在口中噼噼啪啪,感覺新奇又過癮。雖然口感香脆,但總是覺得有點油膩。第二部分是烤鴨胸。烤鴨胸的皮脆香,鴨胸肉軟嫩juicy, 沾上芥茉醬吃,味道辛香又酸酸甜甜,凸顕肉香又少一點肥膩感覺,好吃!第三部分是烤鴨腿,建議以薄餅包裏吃。這烤鴨腿比鴨胸有較多鴨脂,肉質更有口感更彈牙。配上山楂啫喱、京蔥、洋葱、青瓜同甜麵醬,囗感十足,味道豐盈。唯一敗筆的是薄餅皮太厚,吃起鴨卷來,感覺有點硬,淡化了濃郁的鴨香。整體而言,這個午餐真係好吃又抵食!烤鴨有水準,食法新穎。而炒飯和前菜味道好,份量十足,結果吃不完要打包。今次真是捧腹,又食又拎的嘆埋海景,每人只是花費二百,超值抵食!推介! continue reading
(The above review is the personal opinion of an user which does not represent OpenRice's point of view.)