名館 (Closed)

今晚六點零，黎到位於港島中環既名館，發現呢道裝修好靚，連碗碟都有不同的字句，好有心思。我地叫左個黑蒜燉響螺湯，茶壺裝住啲湯，用茶杯飲。入面啲湯渣有好濃，去食既朋友可以食埋，有少少響螺，豬瘦肉。天鵝酥外型好可愛，係由紫薯整成，配埋茶食就唔會咁膩。黑松露小籠包，入面好多湯汁。特選三精品入面叉燒好淋，青瓜好新鮮，海蜇少辣。鳯蝦炒飯，個炒飯有普通米同焦米整成，落足料好多蝦，好食。炒牛柳粒好香加埋啲洋蔥，好多肉汁，不錯！甜品叫左一個十三么，係豆腐整成，味道比較清淡，不過幾有特色。最後，名館的蕎麥茶好香！可以考慮買返屋企送禮都得！