新仙清湯腩咖哩專門店 (Closed)

上深圳食過一次，發現原來呢間米芝蓮推介牛腩店係來自香港，所以返HK又要食下。現代裝修，座得舒適。牛腩口味變化原來可以有咁多，有養生藥膳、特調雙椒、麻辣、咖哩等口味，爽腩未到8點已sold out，真係手快有，手慢冇。極味特別腩品嘗雙人套餐$289都幾抵食，先上湯品清燉牛腩湯 x2，清湯不油膩帶淡淡牛味。前菜新仙六宫格有黑加倫子醬沙葛、醃蕃茄、麻辣雲耳、花生、秋葵、手拍青瓜，見到都好開胃。清湯坑腩，坑腩係牛肋骨部分，肉都帶肥肉，肥瘦適中，肉質嫩滑，蘿蔔也很甜，最愛原味！咖哩坑腩，仲有薯仔，好吃！雙椒即蕃茄底加籠椒和泡椒，唔太辣，味道濃郁，崩沙腩很彈牙，又有嚼勁，跟醬汁蠻配的！三色菜有菜心、生菜、芥蘭。米飯無限添加。蜂蜜薑汁薏米自製特飲(+$8)薑味香，有好多薏米，仲有薑粒，飲完好滋潤。熱奶茶好喝，有茶餐廳水準。