136
32
26
1-min walk from Exit B2, Yau Ma Tei MTR Station continue reading
Telephone
23326872
Introduction
Offer fresh and clear flavored Briskets, the signature clear soup is made from a tons of beef bone; iconic curry are made from more than 30 types of spices and vegetables. continue reading
Opening Hours
Today
11:30 - 00:00
Mon - Sun
11:30 - 00:00
Payment Method
Cash
Number of Seats
35
Other Info
Parking
Phone Reservation
Delivery
Signature Dishes
巴基斯坦咖喱 炸鯪魚球 清湯腩 番茄濃湯 鮮牛肉麵 鮮牛豬潤米
Review (206)
初嚐米之蓮清湯腩 Featured Review
Level4 2018-02-09
1054 views
臨近新年,好多食肆都高朋滿座,限時限刻, 令我呢啲成日隨意出街食嘅有壓力, 唔敢去啲要book枱嘅地方食,但又唔想食連鎖店快餐。 今日放工就去咗呢一間一向評價高嘅米芝蓮食肆食個招牌清湯腩。提起清湯腩,自從三四年前行完維園年宵跟手經過天后嗰間x姐清湯腩, 佢畀咗個好肥嘅,有肥膏黐實腩邊的河粉俾我之後, 就再同清湯腩無緣, 今次係我朋友保證一定好食我先再試。入到嚟嘅裝修都比較有情懷, 叫左一人餐有嘢飲,有飯,有小食,有菜,清湯腩,都係88蚊。另外單叫一個細嘅清湯腩38蚊, 相當街坊街。套餐嘅清湯腩分享比較細,白飯好大碗,菜新鮮。 清湯腩做法需時,要慢火將牛肉煮出清湯腩,熬湯幾小時,熄火焗過夜,翌日再用慢火熬1小時, 全部都係心機時間。腩肉瘦得黎好香牛肉味, 但個人認為清湯腩嘅靈魂就係嗰個蘿蔔上面,而新仙亦豪不吝嗇,給了兩大舊,鮮甜非常。小食一份供1人用足夠,最愛青椒釀魚蓉。飲品方面叫特飲凍蜂蜜薑薏米水,加了6蚊。飲品內有薑粒及薏米但飲管太幼,經常click住。朋友的細清湯腩河,蔥另放匙羹上,腩肉約8塊,蘿蔔2大舊,絕對對得起這價錢。另見好多人叫咖哩牛腩,雖不清楚哪咖哩是日式甜的還是中東式的,就留待下次試試。 continue reading
(The above review is the personal opinion of an user which does not represent OpenRice's point of view.)
Level4 2018-01-31
855 views
新仙清湯腩,多年前年土瓜灣北帝街店時,已經有朋友帶我去食緊了,當年與今日的香港變化很多,店舖經歷更多。時間浸淫與經歷令一間店鋪更趨成熟,經驗累積會使配方口味更加貼近群眾。多年後,經過多年米芝連(2012年起連續幾年都獲得「米其林美食推介」(港譯:米芝蓮)的榮譽),經過再裝修,感覺漸入佳境,感覺更加踏實,感覺更趨成熟。久別重逢,店舖裝修過,更光鮮企理,亦很有懷舊的味道。(原來此店更是獲得:Openrice - 最優秀開飯粥粉麵店(優異獎))食牛腩,個人來來去去都係某幾家:新仙清湯腩/大埔墟大明里/天后電氣道/中環歌賦街主要視乎當時身處區域,但如果在油尖旺,在九龍區,都一定會毫不猶豫的想起"新仙清湯腩"此無他,地點就腳,價位相宜,味道一流,單單就這三點,在我主要活動的區域已經贏足幾條街了。年紀大了,要我山長水遠開車去新界,仲要排一輪隊先有得食的話,我骨頭脆弱捱唔到,既然性價比更高,價錢又差不多,地點又方便,牛腩必選新仙。今天和朋友點了:招牌清湯腩河金牌咖哩薯仔牛腩飯蜆芥鯪魚球西洋菜(湯上)招牌清湯腩河食牛腩河,必先第一口嚐其湯底,鮮甜牛味濃,必是用牛骨來熬煮長時間才有此效果,天氣寒冷時喝上一口暖暖的滋補牛骨湯溫暖身體,冬天又怕什麼呢?另一個驚喜是,湯粉內附一大件白蘿蔔,此蘿蔔原是可以額外當"小食"單點的,但因為朋友今天想食"西洋菜"所以就沒有單點一碟蘿蔔,不要看小這一塊蘿蔔,炆得淋而不爛,牛骨湯完全滲入蘿蔔內,咬一口就不能自拔,下次必定要另點一碟過癮一番。金牌咖哩薯仔牛腩飯以醬汁來講,從來咖哩與牛腩都係絕配之作,天作之合。而"薯仔"又係成件事不可或缺之主要配角,呢三樣野走埋一齊,成為左一個鐵三角,缺一不可,互補長短。新仙呢個金牌咖哩薯仔牛腩飯,成功構成一個完美比例,沒有一個搶了其他的風彩,恰到好處,如果我一個人去食的話,絕對會一試再試的飯。蜆芥鯪魚球 $34新鮮即點即炸,上碟時仍然熱辣辣,口感味道絕對在上環某些店之上,以小食來講,份量還可以。西洋菜(湯上) $15自從有一次跟朋友 Sunday Morning Drive 遊車河後去大帽山附近吃過一次新鮮西洋菜之後,久久都未有試過如此新鮮的西洋菜了,清甜無渣,顏色鮮嫩,吃完再將湯一起喝下去,舒服呀! continue reading
(The above review is the personal opinion of an user which does not represent OpenRice's point of view.)
一人餐好抵食 Featured Review
Level4 2018-01-31
1214 views
凍凍凍凍,所以就在屋企附近這間新仙清湯腩咖哩專門店吃晚飯。室內裝修有懷舊的氣氛。天氣凍,食慾就大增。所以我和家姐都各自叫了一人套餐,$88。兩個餐加起來有這麼多!真是太抵食了。碗飯是平時吃雲吞麵的那種碗,份量很多。講講一人套餐A。我要了金牌咖喱牛腩。有分大中小辣。我要了小辣,但其實一點都不辣,吃得辣的請叫中辣以上。不過有很香咖喱味,拌飯吃一流。而且牛腩很稔,有微量脂肪,所以不會鞋十十。小食併盤在鯪魚肉釀青椒、家鄉煎鯪魚餅、麻辣牛肚、麻辣牛脷中選2款。我要了鯪魚肉釀青椒和麻辣牛肚。麻辣牛肚超好味。本身吸了很多牛腩汁,在口腔裏一咬,牛腩汁就泌出來了,很濕潤很稔。加上麻辣醬,真是又鮮又辣又惹味!而鯪魚肉釀青椒也很香口,青椒的鮮甜的貨色。時菜很鮮爽。大大棵好有咬口。而一人套餐B要了麻辣手斯雞。手斯雞讓我想起魷魚絲。不過並不硬,有點乾身,好有口感,很有雞味。當小吃食一流。另外不得不提那個麻辣醬,超有麻辣味,醮很少很少已經很辣很惹味。後來我們吃完麻辣醬,店員很好的加多一小碟給我們。我們問她有沒有外賣這款醬。很可惜沒有。要是有的話我們一定會買回家!腩汁淋甜蘿白。蘿白吸晒腩汁,又稔又鮮甜。有很多件,但我都忍不住搶了家姐的份。酥炸雲吞。不要看它好像很細隻,但入面啖啖蝦肉。而且外層炸得香脆,也是很有水準的!這個營養蕃茄濃湯。好鮮味。入面很多蕃茄。湯碗這麼多,喝完很暖肚又滋潤,家姐把它喝完都不喝餐飲了。這個餐包飲品,我只要了普通一杯熱檸水,所以就不影了。還有很多種類的食物,下次再來吃。 continue reading
(The above review is the personal opinion of an user which does not represent OpenRice's point of view.)
Level3 2018-08-09
30 views
上2星期食過附近的海南雞飯及咖哩, 今日專程再去品嚐另一家店的咖哩及清湯腩, 原來曾經是米芝蓮店呀! 內部裝飾懷舊, 擺放圓枱, 如同以前擺街的小敗檔, 感覺不錯.人流不算多, 到了午餐時段雖沒有爆滿, 但客人是一個接一個的進進出出. $16.- 先來白蘿蔔, 沒有根或渣 , 蘿蔔浸煮得夠入味, 不會一挾就爛溶溶的, 恰到好處, 湯也好味. $50.- 咖哩羊腩, 是印度式咖哩風味, 不會有紅色一層油在上面, 汁多羊腩份量一般, 有3-4嚿小薯仔, 味道濃郁, 香料味重, 可選大中小辣, 這次小辣未有甚麼辣味啊, 再食的話可以選中辣, 咖哩飯送飲品, 是餐來的, 這裡連熱鴛鴦都有, 厲害! $46.- 崩沙腩河粉 送白蘿蔔一嚿,  崩沙腩有咬口, 有腍, 有煙韌, 有瘦, 有少少肥膏, 整體算不錯, 河粉尚可, 但湯底不是白蘿蔔的湯底, 略厭味道不夠. continue reading
(The above review is the personal opinion of an user which does not represent OpenRice's point of view.)
Level2 2018-07-09
123 views
嗌左五寶米有牛腩、肚、根、脷、尾。每款大概二舊到四舊,推斷係隨機分派真實味道排序為脷>>>根>肚=尾>>>>>>>腩先呷一口湯,感覺雞粉/味精太重手,一啲都唔清。 湯有少少胡椒味,冇乜果種淆出黎既感覺食多兩啖,果斷狂加辣椒油。嗯,味道即刻好好多。牛脷好好食,軟淋得黎有牛脷果種口感,牛味重。其餘除左腩冇野值得講。都係湯果種味,唔太討好,要靠辣油助攻。主角腩就好野喇,可以話係我近年食過最難食既牛腩!最難食既有四舊,鞋過煲湯豬肉,唔入味,牛味亦欠奉。連肥腩都咁鞋真係要俾個服字佢。咁都有米痴蓮唔服唔得。唯一食左舊係肥既有根爽腩,唔鞋又有牛肥油香。老實講果舊係好食既,一啖砂糖三舊屎,好似人生寫照咁。埋單62, 抵唔抵食唔食得過見人見智。整體講我就唔會有再食既衝動。 continue reading
(The above review is the personal opinion of an user which does not represent OpenRice's point of view.)