裕記大飯店

Open Now

Now Closed

有朋從遠方來，話要食裕記燒鵝，當然要盡地主之誼，陪食啦！門口己擺放多個米芝蓮獎牌，好巴閉呀！😊半隻燒鹅，真的名不虛傳，皮脆肉嫩，好入味，咬落肉質好有彈性。另一碟秘製鹅肝腸。由於店員推介時冇圖睇，仲以為是鼓汁炒鹅腸之類的東西，後來見到圖片，原來是臘腸，嚇我一跳，立即想取消order, 但侍應話己落單，冇得取消。仲要118元一碟。侍應話鹅肝腸是自己師傅秘製，食過一定冇後悔。好在冇取消，原來真的甘甘香，好好味。鴨舌，好有麻油味，鸭舌都好厚肉。白灼虾，一斤，侍應話新鮮運到，虾都好肥大肉厚，食落都好鮮甜。