1
20
7
一定要試嘅梗係天天海南雞$169，我哋叫咗中份，雞肉好嫩滑，雞皮薄到幾乎係冇乜脂肪，我連皮食晒。配埋三款傳統嘅醬，有醬油、薑蓉、同甜辣醬真係冇得頂。
我哋仲叫咗黑磨豉醬炆豬軟骨$129，豬軟骨真係大大件好多肉，肉質軟硬適中，磨豉醬鹹鹹地咁，同豬軟骨好夾。除咗豬軟骨，仲有幾件鐵棍淮山，中和下唔會好滯，淮山仲係好健康既食材。
唔想淨係食肉，我哋仲叫咗個豆漿海南雜菜煲$109，奶白色嘅豆漿嚟做湯底真係一流，一啲味精都冇，浸住啲雜菜、粉絲，菇🍄、蝦🦐、雞腎、食落好清甜有鮮味。
食海南雞點少得叫個油飯🍚，我哋叫咗兩碗油飯，淨係聞味已經好香，食落口真係超正。成餐真係最鍾意佢嘅海南雞同油飯。其他嘢食都好吸引，唯有有機會先再試啦。
1
1
