一家

Open Now

Now Closed

餐廳裝修別具特色，五六十年代懷舊中國風，傢俬，餐具都充滿復古情懷，仲有靚靚卡座，打卡一流。除左靚裝，餐廳仲係兩年必比登推薦，食過之後真心認同👍🏻🌟皮蛋豆腐皮蛋切粒，淋上秘制醬汁，加埋木魚碎，同豆腐一齊食好惹味😋👍🏻小籠包必食！真正皮薄餡靚，爆落去爆汁，肉餡味濃juicy🤤🌟一家葱油白切雞米芝蓮推薦菜色，真係不得了！面頭有大量香葱，白切雞份量好多，肉質嫩滑，連雞胸肉都不會老😮味道清得黎又好夠味👍🏻🌟大排麻醬拌麵排骨好似我手掌咁大塊！厚切，炸得卜卜脆🤤麵條有口感，麻醬好creamy幼滑😋🌟高力芒果奶黃大癲超好食！平時好鐘意食高力豆沙，呢度餡料轉左芒果奶黃，多左芒果的清甜令奶黃不會太膩，仲要熱辣辣流心嫁😍呢度的飲品名稱好盞鬼，全部都係家人間的稱呼👍🏻🍹海桃子粒粒鮮水蜜桃奶蓋，水蜜桃多汁清甜，海鹽奶蓋幼滑，咸咸香香😋🍹淘氣細佬蕃石榴，紅莓菠蘿梳打，味道清新，仲有粒粒菠蘿同椰果。🌟必比登推薦的果然有信心保證，一家人食飯一定首選呢度。