勝記海鮮酒家

Open Now

Now Closed

今日去行山之前嚟咗呢間米芝蓮嘅勝記海鮮酒家食海鮮。第一個感覺就係覺得呢一間酒家好傳統，因為嗌海鮮嘅時候係要走落去自己揀嘅。今次試咗椒鹽鮑魚、炒蟶子、脆皮生炒骨同埋脆炸豆腐。個人覺得鮑魚係唔應該用黎椒鹽嘅，因為椒鹽炸左蓋過咗鮑魚嘅鮮味，可能清蒸會好味啲啦。炒蟶子就炒得好出色啊，炒得比出面嘅餐廳爽口入味，正呀！我自己都好鍾意食脆皮生炒骨，覺得佢個皮真係好脆好好味。不過同行嘅團友就覺得冇乜特別囉，我覺得係佢哋唔識野🤣🤣仲有就係脆炸豆腐啦，炸得個皮外脆內軟，個口咁真係好好味呀。又食到脆皮，又食到嫩滑嘅豆腐，正！不過佢嗰啲椒鹽就好似唔係好夠啦，因為個豆腐食落好似冇乜味咁。總括嚟講呢間餐廳係好好味嘅，不過就唔係話特別平，性價比唔算高。