Video
Read full review
2021-09-29
40 views
喺地鐵站一出沿著維多利亞港嘅方向穿過酒吧即到達天天海南雞店。呢間米芝蓮推介嘅餐廳一早就已經想試，果然名不虛傳。店舖出面有一排可愛嘅公雞公仔裝飾。一入到店舖已經人頭湧湧，餐廳無論係裝修定係食物上都唔錯。 餐牌價錢係米芝蓮餐廳呢講唔算貴。 而且份量好多， 建議兩人用餐嘅話可以叫一份飯，再叫其他小食一齊分享。 以下係叫咗嘅菜式：招牌天天文昌雞（$180） 唔好講笑,文昌雞嘅份量有半隻雞咁多，成個頭咁大份，有鮮甜青瓜，中和雞肉既油膩感。海南雞醬， 仲有薑蓉作配搭， 超惹味，雞肉新鮮， 嫩滑， 果然係文昌雞， 但記住飯要另嗌。松露蝦多（$108） 大大份嘅蝦多士都係一百蚊左右，香脆卜卜，熱辣辣嘅多士面包咗彈牙嘅原隻大蝦，每份手掌咁大，加上我最愛嘅黑松露醬，超抵食，創新又好味食到停唔到口。黑豬叉燒（$148）呢度嘅叉燒離遠已經聞到炭燒嘅味道。 七分肥三分瘦， 雖然肥左小小， 但各花入各眼，我認為地少少嘅叉燒先好食， 比肥膏既汁包滿既叉燒會多啲肉汁，口感更豐富，送飯食仲好食。新鮮水果茶（$38）本身叫咗杯嘢飲諗住解渴飲， 點知杯嘢飲超大杯有成一升咁多， 仲有勁多水果，有西瓜西柚蘋果等等新鮮水果，幾好
店舖出面有一排可愛嘅公雞公仔裝飾。一入到店舖已經人頭湧湧，餐廳無論係裝修定係食物上都唔錯。 餐牌價錢係米芝蓮餐廳呢講唔算貴。 而且份量好多， 建議兩人用餐嘅話可以叫一份飯，再叫其他小食一齊分享。
以下係叫咗嘅菜式：
招牌天天文昌雞（$180）
唔好講笑,文昌雞嘅份量有半隻雞咁多，成個頭咁大份，有鮮甜青瓜，中和雞肉既油膩感。海南雞醬， 仲有薑蓉作配搭， 超惹味，雞肉新鮮， 嫩滑， 果然係文昌雞， 但記住飯要另嗌。
松露蝦多（$108）
大大份嘅蝦多士都係一百蚊左右，香脆卜卜，熱辣辣嘅多士面包咗彈牙嘅原隻大蝦，每份手掌咁大，加上我最愛嘅黑松露醬，超抵食，創新又好味食到停唔到口。
黑豬叉燒（$148）
呢度嘅叉燒離遠已經聞到炭燒嘅味道。 七分肥三分瘦， 雖然肥左小小， 但各花入各眼，我認為地少少嘅叉燒先好食， 比肥膏既汁包滿既叉燒會多啲肉汁，口感更豐富，送飯食仲好食。
新鮮水果茶（$38）
本身叫咗杯嘢飲諗住解渴飲， 點知杯嘢飲超大杯有成一升咁多， 仲有勁多水果，有西瓜西柚蘋果等等新鮮水果，幾好飲，水果茶有少少喜出望外。
總括而言，呢間餐廳嘅性價比都唔錯而且環境都幾好，坐得舒服，雖然好忙但係唔會趕人走。食物分量又大，價錢合宜，岩晒三五成群，會再幫襯呢間米芝蓮星加坡餐廳。
Post
