媽咪雞蛋仔 (Closed)

想試好耐，估唔到雞蛋仔都可以攞米之蓮，但每次經過都大排長龍，講時間所以冇試。今日又經過，見有時間，就即管排隊買一底試吓。好彩天氣穩定，要我帶住個B企喺條街度等20分鐘，的確有點困難。除咗小朋友冇耐性外，人流不斷增多，不單止雞蛋仔小店好多人幫襯，就連隔離幾間小舖，都十分墟冚。小小一條窄巷，擠得水洩不通。好不容易終於等到我，熱辣辣又香噴噴嘅雞蛋仔，可能期待太久，份外好吃。而且新鮮滾熱辣即刻入口，感覺十分幸福！佢有多款特別味道，睇嚟每次經過，都要逐款味道試齊😆。