Video
Read full review
2008-05-28
36 views
五月廿三日(六)知道今日會黎太子，已經做好準備，老婆係OR度搵到尼間一點心，食過既人暫時都無人喊面，係酒樓食點心就試得多，係尼類類似快餐點舖頭食點心真係第一次～店舖比想像中靚，本以為是地茂酒樓格局，但原來環境與一般食肆相若～二時多來到亦有不小人等位，待了一會終於入座，點了以下點心：馬拉糕($11)可以吃到細籠蒸馬拉糕地方不多，這裡正是其中一個。終於可以食到一個完全屬於自己既馬拉糕。小籠蒸馬拉糕好處是每一塊都是邊位！每一塊都能感覺到邊位較滑的口感，而且已分開六件，不用自己"搣"。甜味較重，味道與酒樓相若，較滑～雞札($13)本人最愛吃點心，幾乎每次到酒樓都叫。這裡的雞札頗為足料，雞及魚肚大舊，食落非常充實，味道拍得上大酒樓。唯一不好是沒有豬肚用了冬菇，個人口味問題，幸好老婆給我解決了冬菇~ ~" 很高水平的雞札～叉燒腸($13)本人認為最好食既有饀腸粉就是叉燒腸，由細食到大都係最鐘意叉燒。尼度叉燒腸味道唔錯，而且岩我口味，因為無乜落到芫茜！蝦餃($13)較平常酒樓細粒，皮略厚及過於黏，蝦算新鮮，個人認為未能與有水準酒樓看齊，但畢竟一分錢一分，$13來說這籠蝦餃用料和味道已算不錯～黑椒牛仔
知道今日會黎太子，已經做好準備，老婆係OR度搵到尼間一點心，食過既人暫時都無人喊面，係酒樓食點心就試得多，係尼類類似快餐點舖頭食點心真係第一次～
店舖比想像中靚，本以為是地茂酒樓格局，但原來環境與一般食肆相若～
二時多來到亦有不小人等位，待了一會終於入座，點了以下點心：
馬拉糕($11)
可以吃到細籠蒸馬拉糕地方不多，這裡正是其中一個。終於可以食到一個完全屬於自己既馬拉糕。小籠蒸馬拉糕好處是每一塊都是邊位！每一塊都能感覺到邊位較滑的口感，而且已分開六件，不用自己"搣"。甜味較重，味道與酒樓相若，較滑～
雞札($13)
本人最愛吃點心，幾乎每次到酒樓都叫。這裡的雞札頗為足料，雞及魚肚大舊，食落非常充實，味道拍得上大酒樓。唯一不好是沒有豬肚用了冬菇，個人口味問題，幸好老婆給我解決了冬菇~ ~" 很高水平的雞札～
叉燒腸($13)
本人認為最好食既有饀腸粉就是叉燒腸，由細食到大都係最鐘意叉燒。尼度叉燒腸味道唔錯，而且岩我口味，因為無乜落到芫茜！
蝦餃($13)
較平常酒樓細粒，皮略厚及過於黏，蝦算新鮮，個人認為未能與有水準酒樓看齊，但畢竟一分錢一分，$13來說這籠蝦餃用料和味道已算不錯～
黑椒牛仔骨($13)
味道不俗，夠惹味。但牛仔骨方面則比較肥及有根，可能亦是牛仔骨成本貴的關係，這味不過不失～
鳳爪($10)
後來追加的點心，鳳爪味道不俗，醬不會杰且夠入味。惟有骨肉分離現像，碟中較多水亦不排除有翻蒸可能以致分離～
六款點心加茶錢(@$2)合共$78不用加一，絕對比酒樓平，而且食物亦有水準，不失為一個吃點心的好選擇～
吃擺剛好夠鐘拿電話，GOOD～
Post
