上海姥姥 (Closed)

新開上海小館，平日晚上7,8點總是很多人排隊，這天都要等4-5張2人枱，店子內其實得十幾張枱，多過4 人都好難等到拼枱。這天8:30左右，侍應已說賣哂上海粗炒。2人選了小籠包，排骨麵和上海3小拼盆。拼盆自選3款，我們選了了醉雞、海蜇和雞絲粉皮，醉雞夠酒香，雞絲粉皮醬料不錯，只有海蜇就無咩味，沒有芝麻和麻油，有點失望。 小籠包見師傅未停手地做，睇住新鮮包好，即叫即蒸，皮夠薄肉餡份量適中，小籠包能存很多湯汁，師傳功力很好。 排骨麵就一般味道，排骨肉味不夠，通常上海製法，應該有一套醃味配方，外皮炸漿不脆，比起連鎖快餐店質數還要差；幸好麵質爽口，但湯沒有味道，對這道基本上海普遍的麵食，非常失望，希望廚師好好留意。 埋單唔使200元，都幾抵食，街坊價錢，下次會再去試下其他菜式，特別是一早售罄的上海粗炒。