上海姥姥 (Closed)

今日突然好想食小籠包！係黃大仙有2間食上海菜，因為經過依間先，見到門外餐牌幾吸引，就入咗去半價餐好抵，有個麵有2粒小籠包不過d雲吞個皮真係非常之厚，幅圖係餃子咬開一半，d餡真係非常少，但味道其實唔差最期望既小籠包，可以見到兩粒係痴埋咗一齊的，所以當夾起一件時，本身痴埋既皮就一定穿，入面既汁即刻漏晒出尼，真係有d崩潰而朋友嗌依個餐，為咗個杞子雞湯，望落太吸引，但餐牌上寫住圖片只供參考，真係參考下好了望住侍應放個外賣碗既湯上枱真係呆咗，雖然知無可能係圖入面咁多料，但無諗過原來係嘜都無！而回鍋肉味道幾好既，係d肉有d比較靱除咗食物外，依間餐廳既侍應既服務態度都比較差，無咩禮貌

七點幾 兩位 等左十分鐘左右就入得叫左 花雕醉雞， 炸醬麵 追加豬扒，嫩雞煨麵，小籠包一黎個花雕醉雞 幾嫩滑 酒味偏淡 岩唔太好酒既人炸醬麵 麵質都ok ge (依間舖門口會有人拉麵)比較濃味 食半碗已經覺得好”漏”嫩雞煨麵 好食 相對地淡口味啲 小籠包 多湯汁 但要小心夾起 層皮比較易穿最後個豬扒等左好耐 要催先有炸得不錯 但略嫌肉質差啲

食上海菜嘅癮間唔中就返嚟，所以今日拉埋朋友陪我食呢間 《上海姥姥》。感覺呢餐飯嘅食物平平，而服務態度亦唔稱得上好好，成餐飯有啲覺得俾人催住交枱咁，食得好趕。簡簡單單點兩個麵食 — 擔擔麵同蔥油拌麵，另加一籠小籠包，食上海菜必食！麵條雖然係用心機手打，但技術麻麻，麵條嘅粗幼唔太平均，湯又唔覺好惹味，有少少鹼水味同頗多油。蔥油拌麵嘅麵條粗幼問題如同擔擔麵，用蔥油撈固然會比較油，香蔥味亦唔太出，整體嘅味道淡，可能加返個排骨（$23）會好啲～小籠包總算令我哋冇咁失望，皮嘅厚度適中，入面都唔少湯汁，入口微暖，幾好。雖然呢餐食物唔算好差，但亦都唔算出色，服務態度亦麻麻，試過一次就夠了。

琴日同朋友黃大仙dinner, 見到上海姥姥有set dinner又免加一, 每set大概八、九十元到, 7點入去未係好多人, 坐左最入面ge梳發櫈, 2人坐位餐桌唔大張, 上菜後就發現問題了, 可能近廚房位置, 而廚房門又是打開的, 所以不停有幾隻蚊子來回打擾！ 不過餸菜同米飯味道幾好喎！猶其宮保雞丁, 雞肉嫩滑, 醬汁極微辣, 特別香特別好味😋😋, 入面仲有d脆腰果👍🏻, 送飯一流！套餐可配湯/飲品, 最後有甜品酒釀丸子, 有加糯米, 有酒香, 但細細粒丸子, 數量少唔覺眼。😅 另一道, 糖醋小排骨, 其實係咕嚕肉兄弟, 個樣一樣, 係味道以甜酸為主, 唔係茄汁味。e個ok 感la, 冇宮保雞丁食上隱感！😜

食物還好 服務態度差 個別人啦 唔知係新人啊 定係睇場啦剩係企係度乜都唔郁 好似啞左咁 係唔係都就咁du落黎 仲要係錯單 禮貌都無啲 木口木面咁 差 極差 食物可以推薦 不過態度就應該改下

和一位年紀大的聾人朋友一起食等十分鐘就入到她想自己嘗試幫我叫點菜（不可以靠我）服務生唔知她系聾人就望住平板電腦我同服務生講她就知道朋友點菜服務生指住不同價錢、菜圖朋友就明白指住價錢、菜圖舉起1字服務生幾明白食物上桌我們分住它們食五香牛肉拉麵和煎餃子較出色湯好清甜麵好幼好滑但牛肉普通餃子煎得好脆肉料有油肉感其他就慢慢地朋友話唔系甘鐘意食尼個可能我第一次食上海式拉麵極少食煎餃所以覺得好好食問題系五香邊種五香我聞唔出以前系中環食麵三館有五香或多種香料味上海姥姥只系清淡唔能同人家相比但麵條我真第一次食而小菜好好味味夠但份量細（好似4x元小碗）我同朋友坐左2小時服務生無趕我們走朋友指住水杯叫服務生裝水但她們唔明要我講就明下次光唔光顧就不知

又係每星期一會，去黄大仙區工作，今晚約左朋友食飯。兩個人，簡單點食上海菜啦！個有點失望。。失望一) 套餐好吸引，但甜品冇得選擇，必定係酒釀丸子。我跟朋友都唔鍾意。唯有單叫。失望二)前菜薰魚，輕盈裝，真係好輕盈（$48），俗語話“雞啄咁細碟“就係咁啦，感覺係炸完上個較咸的酸甜醬（齋鹵味果款咁）一樣。失望三)基本上，味道好廣東。只係疑似上海菜。炸醬麵好有豉油味道，食不出一般上海菜的醬味。蔥油餅，鬆而不脆，幾多粒蔥都差不多數到。（好多食肆的蔥油餅，已變質，連出名果幾間都縮水兼做唔出水準了）。追加左炸豬扒，有咖哩味，口感乾硬。冇蔥蒜味，一點都唔鬆軟。相信無必要唔會再幫襯。

好耐冇食過上海粗炒lu，因為怕太油，但是唔知點解突然想食，咁就點嚟食啦。碟上海粗炒份量唔算多，2人份量左右，有相對多及大塊嘅椰菜撐場，所以麵嘅份量唔多，主角和配角似乎交換咗。換個角度諗，有多d菜，感覺健康d嘅，亦無想像中咁油，okay ge。這個蔥油餅，I like it。外表好脆好香口，加埋表面上嘅芝麻好好味，令到整體上味道提升好多，內面包質仍然軟綿綿，只是蔥花略略少咗dd，如果再多d蔥花仲正。雞絲粉皮(半份), 芝麻、花生醬、加埋麻油做醬，好香好味。

放工返到黃大仙,先發現屋企冇人煮飯,得番自己一個人。唯有外出搵下邊間餐廳食飯。看到這間上海姥姥,人流並不算太多,就決定食這間。因為一個人食飯的關係,所以點了一個揚州炒飯。太約10分鐘左右就可以送上。食下去感覺只是微熱,如果再熱的一點的話更好。不過勝在都足料,都有原粒的蝦仁,而且飯也炒到乾身,不會太濕,入口也會覺得軟硬適中。待應添茶也很快捷,坐位也很寬敞,整體質素尚算不錯,聽到後面的客人說這裡的小籠包好食,或者下次有機會再品嚐一下。

第一次嬲到要寫食評去公告天下，24/11/2017 19:15左右，收工同太太兩嗰人經過呢間唸住試吓，入到去比張枱我哋，張枱腳唔平，郁下郁下，算吧！知道收工呢啲時間太多人等位，廢事轉抬。 果班C9 侍應，D服務唔多講，太太叫咗碟上海粗炒，我叫咗一碟黃金蝦仁炒飯， 果嗰炒飯幾分鐘左右到，我都好懷疑是否有人落錯單，而無人要果D，因為食落覺得唔係太熱。 我成碟炒飯都食完，太太嗰碟上海粗炒追咗三次單都仲未到 ，太太嬲到唔食叫買單走人，等張單等咗幾分鐘都未到，我哋最後出咗櫃檯買單，嗰C9侍應話仲未改好張單，谷9氣放低$68碟飯錢走人，最後陪大太去咗麥記食。

放工超級累，只想找個安靜舒適的環境，安安樂樂吃晚飯。但晚飯時候，黃大仙中心異常人多。想找個座位吃晚飯，也非易事。結果，我和外子來到上海姥姥，先不論食物品質，至少可以安坐一陣子。我們被安排坐在靠牆的位置，掛壁大畫配上油黃的仿古燈，老上海的感覺油然而生。我們點了煎鍋貼，餡多飽滿，充滿肉汁，再加煎得脆卜卜的鍋貼底，非常不錯。擔擔麵的花生香味非常濃郁，葱粒也新鮮，咬下去時減底了油膩的感覺，這是連鎖店中較少有的。整體而言，質素尚算可以，沒有驚喜，也沒有驚嚇，而上菜較慢是需要留意的地方。

上海姥姥開左好多間分店。係門口可以睇到啲師傅係度拉麵條，都幾過癮。成日都無機會試下，今日經過黃大仙原來都有間分店。又見無咩人等緊，就入去試下喇！叫左碗 雞湯燴雞麵。清清淡淡既一碗麵。有啲雞肉絲同生菜絲一齊燴成既上海麵。上海麵咬落唔會好硬，都ok.但雞肉就好少喇。搞到碗麵好 dry咁。所以加錢額外叫左個排骨賣相一般，唔大塊。雖然炸過黎，但外皮唔多脆。同啲肉都有d韌……😅😅可以唔洗追加……另外叫左水煮麻辣牛肉麵。未食都嗅到佢個隻麻辣味好重。成碗都充滿辣椒 ！食落每一啖都好麻辣！都幾辣。食唔到好辣既，就要考慮下先好叫！😂😂牛肉都幾多。同都ok!算不錯！

最近成日外食,有D食店好多味精,食左會搞到口乾,飲好多水都唔掂我朋友快生日,我地想食D唔熱氣既食物,最後我揀左呢間,食完唔會好口乾,感覺無乜味精要加一,二人食左二百幾蚊上海小籠包,味道不過不失酒釀豬手,是涼盤,豬手有陣紹酒味但不會太強烈(我本身唔鍾意飲酒,呢隻味可接受),豬手好滑好味!餃子無特別,普普通通, 麵的口感還可以但個湯底太鹹,搞到D麵都好鹹,我加水沖佢都唔得..廚師放鹽重手左..所以D麵無食晒...清炒菜心,清清地,味道剛好,菜心不會老,有D爽口,炒得不錯啊!左為酒饜丸子,甜甜的桂花味,丸子幾粒無餡料,我對桂花味的甜味不算好鍾意,所以我覺得佢一般,但我朋友就覺得好食, 右為擂沙黑芝麻餡湯丸,我鍾意食芝麻餡湯丸,咬落去黑芝麻餡有D充沙效果,不會好甜,好味道!

大時大節，出街食一定又逼又多人，呢間又冇得book,只限walk in,唯有早小小就去。我同屋企人大概晏就六點去到，已經冇位要拎飛。不過就好好彩，等左5分鐘到就到我地，我地五個人，佢就將兩張枱拍埋再加多個主席位俾我地，等我地唔洗等禁耐一坐低就叫野食，食物黎既速度都幾快，我地叫左三拼小食（口水雞“麻辣味足夠”，雞絲粉皮“我就覺得個花生醬太咸”，肴肉“不過不失”）小籠包（4隻）“多汁 夠熱”鍋貼兩籠（3隻for一籠），呢個都好多汁姥姥上海粗炒“呢個都幾好味，唔會太濃味，同埋我最鍾意佢熱辣辣上枱”黃金蝦仁炒飯“我同屋企人都覺得成個飯食落比較鞋口”菜肉雲吞“都幾好”奶油津白“夠熱同大碟”排骨上海湯麵“ 個湯麵上枱前會幫你剪一剪， 排骨炸到有啲乾， 所以我浸落湯黎食”豆沙鍋餅“ 員工話要預15至20分鐘， 所以啲餸一嚟， 我哋就叫豆沙鍋餅， 都好多豆沙餡”So Far 成間野都ok既，但如果有埋小菜會開心d。埋單都係五百一十幾，我地坐低無耐已經好多人等，不過上菜速度都好快 所以應該唔使等太耐。

剪髮前食個小點，叫左酸辣麵，紅油炒手，小籠包。首先個酸辣麵味道係淡，我自己加左小小豉油後，好味d,紅油炒手ok,吾差，手籠包都好食,整體3樣食物，都吾差，店內股務ok,識主動倒茶