*此餐廳收取加一服務費。
明太子軟殼蟹意大利粉（單點$158），表面鋪有豆苗、香草，炸軟殼蟹口感外脆內軟，內有蟹膏，味道甘香，意粉口感軟硬適中，略嫌明太子醬份量少，令意粉食落比較乾身，配料包括有蘑菇、彩椒、蟹籽。
蟹肉牛角格餅（單點$88），表面鋪有蟹籽、豆苗，忌廉蟹肉味道鮮甜，牛角格餅口感酥脆，食落充滿牛油香味，沙律菜包括有苦菊、紫椰菜，配以意大利黑醋食用，味道清新。
手工洋蔥圈（單點$88），即叫即炸，口感鬆化，洋蔥味道清甜，配以美乃滋食用，味道更佳。
是日餐湯（跟餐$0），粟米濃湯，好足料，內有大量粟米。
是日餐包（跟餐$0），蒜蓉法包，表面鋪有香草、蒜蓉牛油，口感鬆脆，食落好香口。
奶茶蛋糕（單點$48），表面鋪有果仁碎、海鹽焦糖糖漿、糖粉、朱古力醬，忌廉口感輕盈，奶味醇厚，蛋糕口感鬆軟、帶有茶葉籽，食落伯爵茶茶味濃香，略嫌奶茶味欠奉。
焦糖爆谷（跟餐$0），表面鋪滿焦糖，口感香脆，味道香甜。
折骨木蘋果梳打（跟餐$23），表面鋪有蘋果乾，採用蝶豆花茶、折骨木蘋果汁、梳打水製作，分層效果突出，飲落好清爽。
