六両三 (Closed)

臨近聖誕逛逛尖沙嘴，原準備搜購聖誕小禮物，見有新店將開張，八卦探究乜野葫蘆賣乜藥，原來店舖主打台灣牛肉麵，見試業有折就不妨試一試。雖然餐廳標榜牛肉麵，但上一餐未落曬格，所以叫咗滷肉飯加一客豆干。 餐廳以木材、木裝飾及烏絲燈營造簡約溫暖氣氛，食物亦同樣以木盆木筷子端上。滷肉飯嘅豬肉並非採用攪碎豬肉，小粒細塊嘅豬肉比攪碎煮法有更好咬感，滷肉汁唔會太鹹太濃，好似預留空間畀豬肉脂肪咀嚼時散發其香味，一碗飯、肉、醬比例全部都剛剛好。豆干嘅黄豆香都唔錯，軟硬度剛好，簡單食材要煮得出色非易事，希望折扣期可以耐啲，可以下次嚟試埋個牛肉麵。