六両三 (Closed)

近排愛上左食台灣野，所以會周圍搵下有咩正宗台式餐廳！呢間上網search過老闆親自去台灣學藝，應該幾正宗😎鋪頭以木系為主，無論係裝修定招牌，再去到餐桌同檯上既用具，全部都係木，感覺好自然同舒服，雖然餐桌比較密但都唔覺有壓逼感。冬瓜檸檬茶，非常解渴又透心涼。冬瓜茶普遍都較甜，呢個加左檸檬，用酸味中和甜味👍🏻涼拌小黃瓜，店方加左醋落去整，又酸又辣好開胃，小黃瓜爽脆，值得一讚係夠哂冰凍！百頁豆腐，第一次食呢樣野，我覺得有啲似豆腐又有啲似魚肉類整成既食品，口感彈牙幾有趣。滷水汁都夠入味😋川味紅燒牛肋條麵，麵可以揀粗或者幼，我就揀左粗，麵質彈牙有嚼口。湯底牛味濃郁，加上紅油更有風味。牛肋條炆得入味又夠腍，完全唔鞋口🥰必食滷肉飯❤️米飯用上珍珠米，食落粒粒分明有咬口。滷肉醬汁煮至焦糖化，有光澤。滷肉肥瘦均勻再加上豬皮，入口即溶🥰本身覺得滷肉份量有啲小，點知已經夠撈哂成碗飯！食完已經見倒門口排哂長龍😱呢間抵食啊！