龍城冰室

Open Now

Now Closed

星期六諗住去捐血，所以係觀塘食返個靚靚下午茶先！之前朋友話龍城冰室幾抵食，所以趁住今次機會嚟試試。餐牌上嘅下午茶選擇都幾多，例如有三文治、多士、各式豬扒牛肉包、炸雞脾、粉麪等等，價錢大約係廿零至四十蚊，唔算貴。蜜桃小丸子見佢有個流心芝士西多士好似幾吸引，就叫來試試。西多士正常厚度一吋左右，有塊大大嘅牛油係上面，加埋啲糖膠落去，唔係熱到即刻溶個隻，搽下搽下先慢慢溶。內裏有啲芝士，但無流出嚟，食落去咸咸地少少甜，都ok。至於個熱檸茶，有三四片檸檬，但都幾苦澀。整體上都唔錯，價錢公道。