玄鮨 (Closed)

香港人最愛食日本野，呢間響銅鑼灣叫玄鮨真心推介，試過嘅就知點解連續幾年都拎到米之蓮餐廳推介！雖然餐廳坐位唔多，但環境一流，位於希慎附近，果邊係銅鑼灣嘅高尚地段，餐廳以開放式設計，環境清幽，有壽司bar枱或Table seat，不過bar枱經常Full book，要早D預約。Lunch menu冇一般餐廳選擇煩多，反而我好欣賞佢地做到貴精不貴多，重材料新鮮、司傅手藝！坦白講，玄鮨lunch menu價錢算唔平，三百幾蚊起，不過試過就一定知係物有所值！今次點左雜錦海鮮丼，我份人少少貪心，咩都想食麻，deluxe seafood好啱我，大概有十款海鮮，當中不乏高價食材，北海道海膽甘甜無比、池魚爽口、象拔蚌鮮甜，仲有拖羅魚腩，一碗真係滿足晒我所有願望！　　甜品係香芋奶凍，唔好睇小呢個香芋奶凍真係好滑，而且唔算好甜，見得到師傅嘅精心製作！