428
4
3
5-min walk from Exit F1, Causeway Bay MTR Station continue reading
Telephone
25375555
Introduction
High-end Japanese Omakase restaurant. Using seasonal and fresh seafood from Japan. Food presentation is exquisite. You can sit at sushi counter to watch sushi chefs prepare omakase. continue reading
Opening Hours
Today
12:00 - 14:30
18:00 - 22:30
Mon - Sun
12:00 - 14:30
18:00 - 22:30
Payment Methods
Visa Master AlipayHK AE UnionPay WeChat Pay
Number of Seats
50
Other Info
Wi-Fi
Alcoholic Drinks
Phone Reservation
10% Service Charge
Review (448)
Level4 2020-07-25
4015 views
朋友仔脫苦海返新工,心情靚靚,話請我去公司附近拎過米芝蓮抵食又新鮮嘅刺身午餐!餐廳位處銅鑼灣名店附近嘅其中一棟大廈,一上到去見到兩間半隱蔽的房間,同埋壽司吧枱前已經坐滿客人,我哋就被安排咗另一間細房,私隱度夠晒高!侍應先遞上熱茶同毛巾,再簡單介紹menu。朋友仔同我專程黎到,當然要品嚐呢度嘅新鮮刺身🤓!Felix Chirashi- 附麵鼓湯同茶碗蒸蛋-蒸蛋滑溜溜跣入口,配有少少魚肉同雜菌,仲有帶子粒,增加口感又鮮甜!麵鼓湯味道剛好,好多蔥花同埋昆布,唔會太咸,啱晒我口味!而個刺身丼飯真係幾乎360度零死角,飯面密密麻麻鋪滿刺身,見唔到白飯。刺身丼有幾款魚類,加上兩款蝦,仲有海膽同埋三文魚子,配搭超級豐富!由魚肉較實同味道較淡嘅白身魚開始食,每款都感受到佢嘅鮮味!一向都鍾意牡丹蝦黏黏甜甜嘅感覺,瀨尿蝦入邊仲有滿滿嘅蝦膏!拖羅油脂豐腴,配上一口飯加埋粒粒飽滿嘅三文魚子同埋鮮甜嘅海膽,真係極上滿足!Sashimi set- 附麵鼓湯同汁煮鱆紅魚配蘿蔔- 鱆紅魚同蘿蔔吸盡醬汁精華,加上魚鮮同埋蘿蔔本身嘅清甜,食落覺得好sweet。刺身上枱非常吸精,特別一提呢度嘅吞拿魚刺身,無論赤身或者拖羅,都絕對有日本食到嘅水準!有厚度得來仲食得出魚嘅新鮮度!魚鮮同魚油嘅香味充斥口腔,久久不散~墨魚重重嘅膠質仲有赤背嘅爽彈鮮甜,配上海葡萄、紫蘇葉等一齊食,加上日本米飯嘅香,難怪呢間餐廳攞到多年米芝蓮!午餐可配一道甜品或者咖啡,每人點上一款剛好可以試晒兩樣,抹茶雪糕外有薄薄嘅脆皮,味道適中唔會過甜,再呷一口咖啡,多謝好友令我食咗舒心又愉快嘅一餐。 continue reading
(The above review is the personal opinion of a user which does not represent OpenRice's point of view.)
我地被安排入坐小廂房,環境寧靜舒適🌾,即使有其他客人一齊入坐,但每枱都有足夠既私穩度。店員先奉上濕毛巾同熱茶,再端上餐牌📜,服務態度殷勤,但唔會令人有侷促既感覺☺️,不愧係攞過連續五年米芝蓮既餐廳🎖。-點餐後店員就會送上前菜同麵豉湯🥡,麵豉湯味道比一般坊間飲開既更濃厚鮮甜。————————————————————特上刺身丼 $370淨睇賣相都見到有幾豐富既特上刺身丼🌈,足足有十一款刺身🐟。-由淡味魚開始食起,深海池魚清甜爽滑,金目鯛細嫩甘香😋;赤貝彈滑爽口,牡丹蝦軟腍鮮甜🤩;魚子粒粒飽滿,鹹鮮味十足🌊;拖羅入口即化,油脂香濃;海膽不負重望,鮮甜帶甘香✨。不過刺身食得多都會覺得膩,所以下層飯丼鋪左唔少漬物同腐皮絲👍🏻。唔只賣相,成個刺身丼既口感同味道都非常豐富。-刺身丼套餐仲有茶碗蒸,質感嫩滑,如果溫度再熱啲會更好🤗。————————————————————刺身拼盤丼 $330拼盤一共有八款刺身,中拖羅厚切無筋🥳,金目鯛清甜嫩滑;當中我最中意魷魚,爽彈有嚼勁,又不得其黏腍既口感🧚🏻‍♀️。而男朋友就中意鰹魚漬,鰹魚炙烤後除去魚腥味,經醬油醃漬後更突出鰹魚既鮮味😻,肉厚味濃。-套餐仲配有漬物同煮物 - 汁煮魚配大根,魚肉同大根都燜至軟腍入味💕,醬油味非常香甜。————————————————————食飽飽之後仲可以選擇咖啡☕️或芝麻雪糕夾餅作飯後甜品🍨。雪糕夾餅口感外脆內軟,芝麻味香濃,夾餅帶微微焦香味。 continue reading
(The above review is the personal opinion of a user which does not represent OpenRice's point of view.)
Level4 2020-07-10
2161 views
今年到而家暫時都未有機會可以去到旅行,既然只可以留喺香港,趁屋企人生日,不如食好少少慶祝。怕且唔少香港人同我哋一樣思鄉心切😂所以Omakase就成為我地呢次嘅首選。前菜炸牛蒡片-入口香脆,唔油膩。銀魚-味道帶酸,令人胃口大開。櫻花蝦青瓜蓉-好清新嘅青瓜蓉,配埋香氣滿滿嘅櫻花蝦,又係一道胃前菜。刺身擺盤仿如一道藝術品,非常精美。鰹魚-用醬油醃漬過,鮮味更出眾。八爪魚吸盤-意料之外嘅爽脆!一啲都唔韌,有驚喜!赤貝-非常鮮甜,好脆口。琵琶蝦-第一次食琵琶蝦刺身,肉質爽口,味道清甜。章紅魚-入口清新,肉質鮮美。拖羅-一睇就知肥美,顏色粉嫩,嫩滑冇筋,甫放入口,口腔內馬上充斥住魚油嘅甘香,好正!左口魚海膽-左口魚肉質柔軟,包住極之鮮美嘅海膽,味道甘甜,雙重口感令人印象深刻!天婦羅三款天婦羅包括海老、粟米、青椒仔;粉漿薄薄一層,炸得香口酥脆,而且表面乾身,一啲都唔油膩。蟹膏豆腐最面層嘅蟹肉沾滿香濃蟹膏,底層係蟹膏豆腐,質感細滑,蟹膏嘅味道濃郁,鮮甜芳香!口腔內嘅香氣久久不散,而且層次豐富,好出色!壽司象拔蚌-爽口清甜章紅-味道芬芳淡雅沙甸魚-質感幼滑,上面嘅檸檬葉絲更有提鮮之效。赤鯥-肉質較為結實,越食鮮味越出。海膽-厚厚嘅海膽,鹹鮮中帶甘點,香濃綿滑,入口即融,口感馥郁醇厚。火炙拖羅-魚油濃郁出眾,齒頰留香。黑蜆味噌湯蜆肉冇沙,隻隻飽滿肥美,配埋味噌,簡簡單單已經好鮮味。甜品香蕉朱古力雪糕夾餅-夾餅外層微脆,雪糕甜度適中,味道天然;伴碟嘅菠蘿,味道清甜冇渣,芒果味道香甜,質感柔軟。 continue reading
(The above review is the personal opinion of a user which does not represent OpenRice's point of view.)
玄鮨連續五年獲得米芝蓮推介的日本料理,廚師手藝正宗,加上食材來自日本,不論係食物、味道、裝修、服務都係高水準,獲米芝蓮推介當之無愧今次揀左午市時段去,平均一份午餐定食約三百至四百元左右,一試無妨,當天店員安排左我同家人坐上bar檯,跟著送上熱毛巾同前菜,有簡單介紹菜單,服務態度不錯------1. Sashimi lunch $330煮物刺身定食,賣相好似藝術品一樣,既可欣賞,又可食用,刺身一共有8款,每款兩件,有拖羅、帶子、油甘魚、鯛魚、蝦等,我最鍾意係拖羅,非常肥美,油脂豐富,甜蝦鮮甜彈牙,油甘魚魚味好濃且甘香,每樣魚生都非常新鮮好味2. Deluxe Chirashi $370茶碗蒸配刺身丼飯,茶碗蒸滑溜鮮甜,餡料豐富,非常出色刺身丼飯非常吸睛,海膽同三文魚籽層層疊起,北海道馬糞海膽入口即溶,鮮甜味係口中融化,三文魚籽粒粒都脹卜卜,咸咸香香再配上日本米飯,簡直一絕,吞拿魚色澤紅潤,脂肪平均,除了刺身,仲有香菇漬物,送飯一流,一粒米飯都冇剩3. 抹茶雪糕餅每個定食都跟一份甜品或者咖啡,我點左一份抹茶雪糕餅,濃郁的抹茶味再配搭微脆既餅皮,為今餐劃上完滿句號 continue reading
(The above review is the personal opinion of a user which does not represent OpenRice's point of view.)
Level4 2020-07-03
1780 views
朋友帶咗我去銅鑼灣Cubus嘅玄鮨食生日飯🙈,我都好耐無嚟過呢幢大廈搵食Lu,哈哈。餐廳面積唔大,不過環境都算舒服,有一邊更係可以望住師傅整嘢食嘅吧枱。同時,餐廳設有包箱,私隱度高👍。基本上餐廳嘅大部份食客都係叫廚師發辦Omakase Set,套餐分為幾種,包括$2,180嘅夢Yumi、$1,780嘅楓Kaede同$1,380嘅紫Murasaki。我哋嗌咗最後者試下💜。前菜(3種盛)Appetizer,即係有胡麻漬四季豆、鴨胸同櫻花蝦青瓜露。🥒青瓜嗰味最好食,清新得嚟帶點微酸,好開胃。刺身(6種盛)Sashimi,擺盤幾靚,好似砌緊幅畫咁😍。六種刺身之中,我最鍾意北海道帆立貝,夠厚、又夠鮮味🐟。另外,醬油鰹魚漬亦都唔錯,成個組合比較特別。箸休めChef’s Specialty,店員上菜時有提醒我哋要小心熱,細心之舉😚。汁煮牛筋忟得好淋,入味,如果搭埋嚿蘿蔔就更正🙊。壽司(6貫)Sushi,又到我最愛嘅壽司,因為有飯🍣。壽司搭配咗啲薑粒,而唔係薑片,相對少見。生嘅北寄貝亦係第一次見,平日都係食開紅色燙咗下嗰啲🙈。最濃味嘅兩款係海膽同中拖羅,亦係當中最好食。椀物Soup,細黑蜆麵豉湯相當有驚喜,好好飲😋,同出面嘅唔同,正啊!甜品Dessert,當中包括芒果、芝麻雪糕同鮮菠蘿🍍。芝麻雪糕連埋出面塊夾餅食,令我感覺有啲似杏仁餅,好搞笑。總括嚟講,多謝朋友帶咗我嚟食日本嘢,過咗愉快嘅一晚啊。臨走等𨋢時見到原來餐廳多年來獲得米芝連推介⭐️。 continue reading
(The above review is the personal opinion of a user which does not represent OpenRice's point of view.)