317
2
3
6-min walk from Exit F1, Causeway Bay MTR Station continue reading
Telephone
25375555
Opening Hours
Today
12:00 - 14:30
18:00 - 22:30
Mon - Sun
12:00 - 14:30
18:00 - 22:30
Payment Methods
Visa Cash AE WeChat Pay
Number of Seats
50
Other Info
Wi-Fi
Alcoholic Drinks
Phone Reservation
10% Service Charge
Review (329)
Level4 2020-01-28
1247 views
好同事好難搵,可以成為好朋友真係少之有少,大家都係愛食好西的伙伴。今日佢生日,帶佢試呢間米芝蓮餐廳。 原來餐廳已經攞過四年架啦,好厲害!我地一人叫左個lunch set, 午餐相對晚餐以較便宜,咁我地又可以用較低價錢試到高級食材。每個set 會有前菜,今日係切得非常薄的蓮藕片,裡面有肉碎,辣辣地好開心。Sashimi lunchSimmered dish with rice總共有八款刺身,款款都好吸引,閃閃發光。睇返餐廳其他嘅相,次次嘅刺身組合都會有少少同,餐廳話會簡當日新鮮嘅食材黎整。由赤身食到油甘魚,樣樣都好想鮮味,無從挑剔。2號set 仲有白身魚煮蘿蔔加飯,認真豐富!白身魚略為炸過再炆煮,魚肉保持滑嫩又入味。Deluxe Chirashi - steamed egg custard茶碗蒸 蛋當然是非常滑,而且特別喜歡裡頭加了芫茜,香氣十足。豪華刺身飯事實上都同名一樣豪華,有12種以上食材。海膽加魚子拌飯已經是奢華的享受,加上有肥美的拖羅、帶子、鯖魚等等,每一口飯都是滿滿的幸福。不止魚生,飯中加入冬菇,更顯餐廳的心思,沒有想過冬菇竟和魚生飯如此合適。麵豉湯食完刺身再飲湯暖胃一流,湯唔係hea 個沖種,係有落材料去煲好甜。最尾可以簡甜品或咖啡,我就簡左士多啤梨奶凍,真係好滑好重奶味。 continue reading
(The above review is the personal opinion of a user which does not represent OpenRice's point of view.)
是晚同朋友二人去食dinner慶祝生日, 餐廳安排入座Bar枱座位一坐低職員就遞上毛巾同熱茶, 外套又幫我地用套套住, 好好服務!前菜 (3種盛): 蜜汁魚仔乾、小女子佃煮、黑豆上面仲有金箔! 好精緻! 甜甜地, 煙煙韌韌, 好味! 另外兩款都很開胃好吃!刺身 (6 種盛):1. 赤血印: 點少少鼓油/washabi食, 冇筋同埋唔腥,  睇落有D似吞拿魚! 但食落口感同味道就唔同了!2. 赤貝: 非常爽脆, 味道有有少少海水味, 很鮮甜! 配紫菜同香蔥食又另有一番風味!3. 火炙鮮帶子: 肉質厚實, 師傅夾左片檸檬片係中間, 檸檬汁再吊出本身鮮甜既味道~4. 剝皮魚包魚肝: 剝皮魚望落晶螢惕透, 食落口感厚實, 同滑溜既魚肝一齊食相映成趣~師傅仲特登包左蔥菜, 配搭住食好fresh!5. 鰤魚: 係大種油甘魚, 師傅話係秋冬季節當造! 就咁點少少washabi食就會食到佢既鮮味!6. 拖羅: 望落似和牛咁肥美, 食落滿口油花! 非常好食好想再encore!熟食:  蠔 、露筍 、鮑魚天婦羅 : 外面層炸漿非常薄, 一咬落去脆卜卜! 私心推炸蠔! 好鮮甜!小食:   螢光魷魚配甜麵豉醬: 迷你既魷魚咬落口感好軟腍, 好食!壽司:  師傅係續件續件咁上, 確保新鮮! 1.  牡丹蝦: 係我no.1 喜愛! 非常鮮甜, 肉質彈牙, 冇得輸!2.  新鮮北寄貝: 平時食熟既多, 生既估唔到咁爽脆、Q彈、鮮甜!3.  䲞魚: 配梅醬食, 清新可口!4.  灸燒拖羅: 又係好似和牛咁, 係個口裡面爆油花而有口感5.  海膽: 來自北海道既紫海膽, 味道比平時食開既馬糞更清甜一點~ 食完以上咁多樣已經非常飽飽滿足!! 之後送上蜆介麵豉湯。最後以甜品蜜瓜奶凍同蜜柑完美作結!果然係連續5年既米之蓮餐廳! 服務同食物質素都好好! 價錢又公道~慶祝可以再黎! continue reading
(The above review is the personal opinion of a user which does not represent OpenRice's point of view.)
Level4 2020-01-14
890 views
上次第一次食 omakase 非常有驚喜 ~ 難得閨蜜升職就揀左 "玄鮨" 食豪啲 😎😎~食店位處銅鑼灣商廈 , 大廈裝修夠曬品味 ~  一步出𨋢門就已經到左玄鮨 !! 裝修簡潔 , 座位非常闊落 !一坐低店員就為我哋送上熱茶同熱毛巾 , 食到咁上下 ,  店員又為我哋換茶同毛巾 ~ 店員有禮 , 服務一流 😊我地揀左 "紫 Murasaki" ($1380)前菜 (3 種盛)酸蘿蔔 , 昆布希靈魚卷 , 魚仔乾同黑豆 , 黑豆好好食 , 甜甜地 , 好腍 ~ 刺身 (6 種盛)鰹魚配蒜蓉汁 - 有小碟盛載 , 鰹魚汁就食得多 , 鰹魚刺身第一次試 , 味道較清淡 , 配上醬汁就岩岩好帶子 - 肉質實淨, 鮮甜中拖羅配紫蘇葉 - 拖羅係冇得輸嘅 !!🤤🤤沙甸魚卷 - 沙甸魚包住醃菜 , 醃菜酸酸地嘅汁可以劈腥 , 呢個配搭唔錯 ! 😉另外仲有深海池魚 (白色) , 血印 (紅色) 同赤貝刺物亦附上好多配菜 , 其中一款友人話叫 wasabi 菜 , 食落去有啲乸乸地 , 攻鼻嘅感覺 , 好得意😜 , 大家要試下 !壽司 (6 貫)大拖羅壽司 , 深海池魚壽司 , 牡丹蝦壽司 , 赤鯥壽司, 象拔蚌壽司北海道海膽壽司好鮮甜 , 好好食呀 , 一啖擺落口非常滿足 😍😍😍廚師精選 - 鮟鱇魚肝成日聽人話好好食 , 今次第一次試 😀 ! 份量都幾多 , 魚肝口感偏油膩 , 配埋檸檬汁或醃菜食就啱啱好喇!麵豉蜆湯有 3 隻蜆 , 非常大碗 , 但略嫌鹹咗 dd 🤔🤔 甜品有驚喜 ! 日本士多啤梨 , 超多汁超甜 !!紅豆奶凍奶味濃郁 , 面頭係較乾身同硬身嘅紅豆碎 , 入邊都有一粒粒嘅紅豆粉 ,  好味 !! 😋 continue reading
(The above review is the personal opinion of a user which does not represent OpenRice's point of view.)
Level4 2019-12-29
1647 views
一年又到終結,係時候食餐好獎勵下自己,今日就㨂左呢間米芝蓮日本餐廳豪食下,一出lift 個感覺已經好grand, 由於落住雨有d 狼狽,店員仲主動幫我收埋遮😝,真係有d唔好意思。成個環境好幽雅恬靜,黎到先有熱毛巾抹手,又幫我地墊好餐巾,真係服務滿分。呢度既店員好有禮貌,連收碟都係好有儀態👍🏻✨先黎小食同熱茶, 薄薄嘅蓮藕片好入味同爽脆,而且帶芝麻香,鋪底既肉碎都好美味。✨Deluxe chirashi set ($360): 呢個餐跟茶碗蒸,個蛋非常嫩滑多汁,入面仲有雞肉,白果u同埋菇,真係好好味食完暖笠笠。✨連個湯都好有水準,鍾意佢勁多蔥花同非常清甜,好想再添。✨叫得Deluxe chirashi,真係好deluxe😍 賣相非常吸引同豐富,面頭橙色係海膽絲,真係好特別。海膽🤤勁creamy 鮮味,三文魚籽大大粒勁咸鮮,肥美既拖羅,爽甜帆立貝,象拔蚌,牡丹蝦,吞拿魚,深海池魚等等,種類真係多到數唔晒,一個人食晒絕對係非常滿足。✨連個飯底都非常正,油揚絲,甜甜既菇加埋紫菜碎,就咁食乜都唔加已經好好味。✨sashimi lunch($330): 跟餐配蟹肉菠菜,菠菜夠嫩索晒湯汁好清甜,忍唔住連個湯都飲埋。✨擺盤超靚既刺身👍🏻成個藝術品咁,五顏六色。甜蝦勁鮮甜,魷魚彈牙,赤貝爽口鮮味,金目鯛,拖羅,油金魚,全部都係勁新鮮。最特別係個鰹魚,食既時候要點個特製既蒜蓉豉油,感覺特別香。✨最後可以揀甜品或者咖啡,甜品係士多啤梨奶凍。個奶凍勁水嫩creamy, 味道又唔會太甜,今餐無論食物,環境同埋服務都值米芝蓮水準👍🏻值得一試。 continue reading
(The above review is the personal opinion of a user which does not represent OpenRice's point of view.)
Level4 2019-12-21
1901 views
公司傾到生意梗係要慶祝下喇, 之前已經試過玄鮨的午餐,在openrice度睇過晚飯價錢都比較貴, 到現在仲係未捨得食晚餐,所以今次又來吃lunch set。 🥰入到餐廳環境光線柔和, 店員親切友善, 一坐低已經送上lunch set menu, 點了兩個餐,Deluxe Chirashi $360, Sashimi Set$330。首先店員會送上開胃前菜~ 味噌牛蒡甜甜酸酸的, 味道唔錯。❇️ 蒸蛋~ 細細碗的蒸蛋入面材料豐富,芫茜,白果,雞肉和蜆肉,配上滑溜的蒸蛋, 非常好吃。❇️ Deluxe Chirashi Set Lunch😋~ 滿滿的新鮮刺身, 入口即溶油香四溢的拖羅, 鮮甜的海膽, 肥美的帆立貝, 清甜的牡丹蝦, 鹹香味又濃又正的三文魚籽,大滿足啊!❇️ Sashimi Set Lunch😋~ 拖羅, 赤貝,吞拿魚,池魚,魷魚和甜蝦,賣相非常精美, 肥味入口即溶的拖羅( 忍唔住一啖食咗😋唔記得影相添😁) 實在太美味了! 爽甜的赤貝, 鮮甜厚肉的吞拿魚和池魚,口感煙韌的魷魚, 甜美的甜蝦,完全帶出整個飯的不同口感。❇️ 麵豉湯~ 食了很多刺身之後, 可以飲返碗暖笠笠的麵豉湯, 蔥絲和蜆肉配上豆豉湯味道特別好,飲完都唔會覺得口乾。❇️ 最後點少得甜品, 套餐可以選擇飲品或甜品, 我選擇了甜品~ 蜜瓜奶凍, 清香的蜜瓜清一清味蕾,好滿足!非常高質素的日本料理餐廳,有幾年攞到米芝蓮推介,今次兩個人埋單大約要七百幾,但我覺得是值得的,因為刺身非常新鮮,套餐的份量很多,今餐就當慶祝下啦!👍🏻 continue reading
(The above review is the personal opinion of a user which does not represent OpenRice's point of view.)