Cafe Paradise (Portland Street) (Closed)

今晚 Happy Friday, 搵到呢一間口碑一面倒嘅西餐。芝士焗雞軟骨棒芝士表面用火槍略為燒過，呈半融狀態，質感綿綿滑滑的。配合炸至表面脆卜卜，及裏面極有口感嘅雞軟骨，質感、味道皆出色。香辣煙肉茄汁長通粉 長通粉做到 Al Dente, 非常有咬口。辣茄蓉醬汁稀杰適中。長通粉中間 ”索” 盡醬汁，配合煙肉鹹香，味道相當平衡。一個菜式嘗盡甜、酸、鹹、辣。煙三文魚黑松露海蝦長通粉 長通粉做到 Al Dente, 非常有咬口。黑松露忌廉汁非常香濃，配合鹹鹹的煙三文魚和爽口的蝦肉同食，非常配搭。朱古力心太軟 配雲呢拿雪糕，從來都係無得輸。