Pici

Open Now

Now Closed

女朋友收工想食意粉，我記得之前有朋友介紹Pici啲意粉好食，價錢又親民，氣氛又唔錯。果然好野係要排隊，我地係門口排左大半個鐘先有位，下次一定要提早book位。我地叫左一個吞拿魚腩他他做前菜，我覺得好驚喜，無諗過會咁好食，佢既醬汁調配得非常好，吞拿魚腩同洋蔥襯托之下，成個感覺好似昇華左一個層次，個人覺得係必食。之後兩碟意粉分別係牛肉同大蝦意粉，我地叫左兩種不同既意粉試下。首先係個牛肉意粉，好重牛味，啲意粉吸收晒啲汁水，非常惹味，不過因為有啲油膩，食到尾有少少漏。跟住大蝦意粉我個人非常中意，佢啲茄汁明顯有調較過，同其他地方有好明顯既分別，好好食，啲蝦肉彈牙，非常新鮮。