築地日本料理 (金百利廣場)

Open Now

Now Closed

好耐好耐無黎呢間位於銅鑼灣既地點超方便既築地日本料理！銅鑼灣港鐵站出口一出，行幾步路就到啦。呢間築地日本料理主餐牌選擇好多，有刺身，壽司，卷物，沙律，前菜，創作壽司，燒物，炸物，鍋物，嚴選料理，魚生丼，拉麵，飯類，甜品，而重點係價錢都唔算貴，又無加一服務費。之前試過呢度嘅石鍋飯，好正。今次一於試吓未食過嘅石燒鰻魚炒飯。另外再叫左兩款未食過嘅卷物。叫少少野食黎個二人早晚飯。石燒鰻魚炒飯 $95石燒鰻魚炒飯用熱石鍋上，熱辣辣。除左彈牙肥美鰻魚塊，仲有粟米粒，滑蛋同蔥花，個汁甜甜地，炒飯好濕潤，連埋咁多配料口感都唔錯，好好味。海膽帶子卷 $68 + 加州卷 $32海膽帶子卷一客四件，餐牌寫明有青瓜，牛油果，蟹柳，帶子，海膽。飯卷包住青瓜，蟹柳同少量牛油果，上面有一塊火炙左嘅薄切帶子同少少creamy海膽，海膽食落都唔算腥。加州卷一客四件，飯卷包住蟹柳，青瓜同滑溜嘅牛油果，外面加左唔少蟹籽。跟石燒鰻魚炒飯仲有個味增湯，個湯好熱，有豆腐粒，海帶同葱花，正常。座位正常，坐得都ok。