Pancake House HoiHoi (荃新天地) (Closed)

今日放工約咗朋友仔傾創業大計，就去咗荃灣荃新天地搵咗間坐得好舒服嘅日本餐廳。見到有新出口味嘅南瓜🎃疏乎厘同鐵板意粉🍝咁有創意就入去試吓啦。南瓜疏乎厘pancake $148第一次食南瓜整嘅甜品，感覺好新鮮，pancake 好有南瓜味。好鬆軟、好有空氣感，一啲都唔會硬。想食完再食。食完唔會覺得齋。 而且好健康，唔會太甜。鐵板名古屋茄汁海鮮腸片意粉 $98熱辣辣嘅鐵板載滿冧滿茄汁嘅意粉，仲有四隻新鮮超彈牙，好鮮味嘅大蝦🍤同腸仔片，還有洋蔥碎。意粉吸收晒海鮮同茄汁嘅鮮味，非常惹味！抹茶沙冰 $52日本抹茶腔必點飲品，估唔到沙冰都咁濃抹茶味。每飲一啖都有濃濃嘅抹茶香氣，再加上沙冰上嘅淡忌廉，非常match大滿足！曲奇沙冰 $52每飲一啖都有曲奇味，唔似飲緊沙冰好足料。一邊飲，一邊咬到曲奇碎。