鼎泰豐

Open Now

Now Closed

好少黎沙田行街，無黎一排都唔知多左咁多野食。因為買左飛睇戲，特登download 商場個app 黎拿位食野，當然用黎等鼎泰豐呢d 「長期長龍」店！星期六晚7點按，票號261，行住街等係ok既，不過愈等愈淆，因為8點幾要睇戲！最後8點正入得，足足等左一個鐘，急到就黎入座時已經寫晒要食乜，一有枱號就「交卷」！限時用餐係1小時15分鐘，不過我地用15分鐘就食完，皆因上菜真係好好好好好好好快！Within 5分鐘已經黎晒d 野，小籠包都係熱辣辣。個菜叫左少油就真係清到爆（是好是壞？），小籠包d 皮薄得好均勻又唔易穿，質素好好，係認真的快靚正！呢個咁吉既場面好少有，係突然間clear 晒呢堆枱但未安排人入座先影到，其實呢間野真係好full 架！等係耐d，不過上菜快，開正係戲院門口，睇戲前黎食係超方便！