蛇王林 (Closed)

等左大半年，源於今年5月我入到舖頭，老闆問我做咩，食蛇啊，半年後先翻黎啦！ 咩話，半年，人就是這樣，越得唔到就越想要，我的確等左半年，天氣凍之下再次踏入蛇王林既大門 ，舖頭外已放左一塊手寫既木板，蛇羹$55，今次有得食喇  由於店舖只係獨沽一味「蛇羹」，所以坐低都唔洗叫，老闆先自動自覺拎左碟檸檬草+脆片，最後蛇羹都隨之送上，放上檸檬草同脆片攪拌幾下，發現同我平時食既蛇羹唔同，比較水，放入口一刻，出事喇，辣親嘴，大家小心喇！！吹一吹再次放入口，一陣味道接受到既中藥味，但食到檸檬草一刻又恰如其分，令中藥味降低仲更易於受落，還有食落很爽既木耳絲，陳皮絲，薑絲好，脆片等. . 好足料呀，當然唔少得主角蛇肉啦!蛇肉份量都有不少且有咬口!應該無混埋其他肉類現在係外邊食蛇羹有部份會用冰鮮蛇同混小小雞肉豬肉,而呢度係用新鮮蛇，食緊果時見佢劏緊蛇羹味道雖然唔係好重，係寒冷既天氣下一碗蛇羹有無料到一定測試到，不消五分鐘已食完 原本寒冷既身軀亦隨之發熱，此蛇羹實屬禦佳品