雖然地方細細地,但神豚都算係我食過拉麵裡面最滿意既一間,今日女朋友話想食拉麵,當然諗都唔諗一過海就飛的去第二街.但今次食完自己碗咖哩拉麵,女朋友要我同佢食埋佢剩番一半既特誠豬骨就出事.食到就尾我幾舊竹筍同麵一食落口,口裡好似有陣尿壓同腐臭味,我即時打左個突.我都懷疑緊係咪因為岩岩食左咖哩,撞左D味搞到味覺有問題,之後飲左啖水,再食多條竹筍,真係有陣怪味,轉頭服務員問我點解食唔晒,我就問佢竹筍陣味好似有問題.佢話正宗日本竹筍係咁,好多人食吾慣.其實我幾鍾意食拉麵D配菜,特別係芽菜,竹筍呢D,但食到呢D腐臭味真係第一次.最小本來好高評價既拉麵,一下子張評分推左落谷底.
其實我唔係想彈佢,只係想問下竹筍係咪真係有陣腐臭味.如果知既朋友可以既話留言講聲我聽,因為如果正宗日本竹筍係咁,我以後都會走竹筍.最小我諗起陣味真係好似有D陰影....
The above review is the personal opinion of a user which does not represent OpenRice's point of view.
1
Dining Method
Dine In
Spending Per Head
$100 (Dinner)
