Mokumoku Yakiton (厚福街)

Open Now

Now Closed

太想食日本野啦！有日收工經過 忍唔住拉埋飯腳同事一齊去（疫情關係，切勿模仿）Mokumoku有燒野食同刺身，今次主力叫燒烤加少少刺身。不得不提就係呢個生蠔刺身，肉厚鮮嫩，幾乎同殻一樣大細，海水鮮味好重，入口感覺厚實又滿足。秋葵豬肉卷。配搭新穎，意外地好夾。秋葵纖維好高，中間有黏黏口感，令豬肉入口時唔會太乾身，外脆內軟。豬皮串，同剛才豬肉卷口感唔同，豬皮烤完質感好似炸左咁，卜卜脆，油香撲鼻，調味好足，非常滋味。豬頭肉串。厚度更上一層樓，肉質更緊緻，入口啖啖厚肉，燒完後肉汁鎖響入面，隨一口一口慢慢滲出味道。mokumoku座位舒適，食物唔錯，食物亮眼，值得一試再試！