樂天經典 (奧海城二期)

Open Now

Now Closed

佢個menu 幾好，有大，中，小，三個份量比你選擇，咁我地得2個人，當然比小啦。佢地上菜嘅次序有d搞笑....酸辣湯係最後先上。酸辣湯唔太辣，辣度適中醒胃，但佢同出面食開嘅有點唔同，多左陣藥材味咁？如果冇，我會更喜歡。黃立鯧，竟然唔太多骨，炸得好好，皮脆肉嫩！上面嘅炸薑絲配埋一齊食，更加提升魚鮮味！海蔘，有點太咸，但海蔘份量算多，都幾底食。冬菇好厚，都係有陣藥材味，但非常夾，我自己覺得冬菇仲出色過海心，厚肉美味！雙菇配西蘭花，雙菇都係偏咸，味道同海蔘個味分別不大！但菇菌總算入味，新鮮！老鼠粉，加左咸魚香，好有得味！但湯太少！仲有d柚子汁（因服務員勁快倒曬落去，所以影唔到😭都要問返先知會倒左d乜😑）成個粉其實真係幾野味，令你食完一啖又會忍唔住再食多啖。排骨王！完全冇驚喜，好普通！整體食物外觀十分好，味都中上！但服務態度有待大大改善。