呢度仲有，好抵呀！
因為朋友未到，所以我哋先點一支白酒，味道甜甜地，好適合女士飲，難怪佢要做LadyLola啦~
朋友就到，叫我地拍板揀嘢食～我哋揀咗個海鮮塔，所以就有得玩開心搖搖搖呢個九重鮮魚蝦蟹啦！
擲中兩款或者圍骰就可以有奬品！！！
隨即職員就推住架沙白車仔黎，幫我地係蒸窩上鋪得滿滿！
然後就開始計時，大概等十到十五分鐘～
超震撼啊！超鮮甜美味！
食完沙白，就準備蒸海鮮啦！
我地揀咗個韓式豬手湯，連粥、沙巴肉蟹、年糕放落去，準備吸狀上面蒸海鮮既精華～
睇見都流口水～
時間夠、溫度夠就食得～
第一層有蟶子、象拔蚌！
超肥美～好新鮮好鮮甜！
第二層有爆濃芝士丸、墨汁豚肉丸同海蝦！
爆濃芝士丸晚芝士就偏甜，口味就唔係好慣！
第一次食黑色既墨汁豚肉丸，好彈牙～
蝦唔駛講，睇落色澤都好靚！食落，緊係正啦！
有需要可以點點呢幾款醬汁，好食！
第三層有大花蛤、新鮮花尾龍躉同日本番薯～
好欣賞花尾龍躉，啖啖肉又冇骨，唔夠新鮮的話蒸完必散呀！
呢件魚直頭肉質實淨，魚味濃郁，得一件唔夠喉添呀！
第四層有鮑魚、厚切黑椒牛脷、元貝、粟米、野菜百葉豆腐、日本南瓜～
黑椒牛脷下面有片百葉豆腐，件豆腐好嫩滑～
食唔切的話可以放入銀兜入面保暖，好貼心啊！
叫多支真露米酒～令到今晚既感覺更完美～
最底既粥底都搞店啦～
最好攪一攪煮多陣，咁就包保每樣食物都煮得足夠時間～
個粥底超甜！蟹味、海鮮味咩都有齊，好豐富！
而韓式豬手湯都幾特別，唔係辣既，似係燒豬手既香味～
