Lovever Patisserie

Open Now

Now Closed

之前經過灣仔，眼見呢間甜品店賣的甜點從未見過，決定買黎試下。原來甜點叫做達克瓦茲，餅皮係用杏仁粉、蛋白和糖粉製作，中間夾左麻米糬同忌廉餡。我揀左幾款口味後就回家品嚐，老闆話每個月都會轉下口味保持新鮮感。呢款達克瓦茲餅皮幾厚下，食落口幾酥脆，忌廉又好幼滑，再加埋麻糬，口感非常獨特，以前係香港及旅行都未食過！六款味黎講，我覺得最好食係綠茶，非常醇香！伯爵茶茶味濃郁，甜度適當中！提拉米蘇都幾好香，連餅皮都充滿提拉米蘇及酒香！芒果味就幾清新！另外由於達克瓦茲無加任何防腐劑，亦要放雪櫃雪藏， 解凍5分鐘食落口似雪糕， 解凍十五分鐘以上口感會變得好柔軟， 係兩種不同口感。