冬暖夏涼 濃雞湯車仔麵館 (Closed)

車仔麵是香港的平民特色，作為廢廢的平民，車仔麵已經係我生活同身份既一部份。平民中見出色，係有限既資源中做出美食，才是我輩楷模。黎到後，發現除左有傳統既熱麵之外，仲有冷麵可以選擇，而且冷麵的餸料也和熱麵不同，懷著好奇心，我就揀左綠茶麵配腩片同魷魚。講實話，甘樣計落已經40蚊，以車仔麵來說是幾貴了。不過，車仔冷麵第一次試，當試下新野。腩片很是入味，而且冰涼的口感下，肥肉有點脆脆的口感。至於魷魚呢，凍食下更為爽脆，而且鹿兒島醬，雖然唔清楚有咩整出黎，但味道都算咸香好味。綠茶麵方面，較腍，我自己鍾意較有質感既麵，所以感覺一般。麵的味道清新，沒有甚麼綠茶味道，但攪拌來送餸，都算幾好食。