施心畢老撾餐廳

Open Now

Now Closed

今日去完灣仔美食博覽會，下晝食完夜晚想繼續食好野，就搭左過去中環，行行下見到老撾菜，幾特別，就去左試。上到去發現原來呢間係最近上左美女廚房Justin 廚師開既一間餐廳，餐廳名都有意思，就係老撾皇朝的姓氏，又係店主嫲嫲的姓。我地兩個人嗌左一碗牛肉湯米粉， 牛油雞翼，小食拼盤米卷。米粉唔同平時食到既，老撾呢款全米線係勁煙韌，又爽滑又有彈性。牛肉勁足料，好有肉味，食極都仲有好多牛肉。雞翼又有另一種風味，酸酸甜甜又帶點辣，係一種係香港未食過既味道，仲要係單骨，唔會覺得麻煩。小食拼盤方面，米紙卷好煙韌，更夾住啲菜，爽口得嚟又唔會覺得油膩。飲品方面，我哋各人叫咗一杯老撾咖啡同紅奶茶，兩杯都唔會過分甜，有少少似泰式奶茶，感覺比較健康。到最後嗌咗個新出嘅甜品，就係藍白芒果糯米飯，藍色係因為用咗昆布嘅材料，芒果分量充足，成個醬汁同糯米飯好夾。