潮州合成甜品

Open Now

Now Closed

在九龍城食完泰國菜，朋友話帶我去試佢最愛的糖水。中式糖水我通常食開腐竹糖水，紅豆沙果類，朋友極力推薦清心丸同蓮子，所以我選擇了潮州最傳統的潮州綠豆邊清心丸再加蓮子($45)，凍食加鍊奶。朋友點的是潮州綠豆邊薏米馬蹄沙加清心丸($50)。兩個外表差不多，食落前者行甜味路線，後者行清爽路線。如果鍾意薏米水味，可以選後者，鍾意鍊奶味就前者。值得一讚是佢的蓮子，真的好好食。清心丸好似煙韌版的大菜糕。綠豆邊其實就是去了綠色外皮的黃色內餡。價錢不算平，但如果想試潮州糖水也值得去下。