入去見到餐牌，過江龍黎講算平。
叫左最基本既撈麵 M $99 咩都有，試一試。
望落去好豐富，好多餸，唔似出面嘅拉麵店的一塊肉，蛋都要另外加。
撈勻咗之後食第一啖，覺得好好味！！啱晒我呢啲鍾意重口味嘅人，佢味道都好豐富，抵達唔識嘅時候好有油香，後勁會食到有少少辣辣地，味道好特別好好味。
值得一提嘅係，加左秘制醋，又將碗麵提升到另外一個層次。味道更加豐富，而家冇滯。
食晒啲面之後，再加一個飯撈埋剩返嘅汁，飯吸晒啲汁嘅精華，真係好完美嘅組合。
總括而言，呢間餐廳真係好值得推薦。本身撈麵餐廳都係比較少，食物質素好，料多，價錢合理。正常唔係特別大食嘅人，M已經食到好飽。極力推薦大家，缺點係繁忙時間比較多人，可能要排隊。
