蔡潤記 (Closed)

一向聽人講大埔食魚旦粉出晒名，咁岩我條女最近搬左入大埔，以前唔會特登尼試嘅，但而家成日要尼搵我條女，緊係要順便試下係唔係咁正啦！要試緊係去左最出名既蔡潤記先啦！我同條女都唔係好熟呢頭，幾經辛苦終於搵到，當時十二點令鐘，裡面勁多人囉！好彩唔係等左好耐就有位，即時叫左兩碗魚旦粉，呢度效率都幾高，好快就有得食，但佢一令到尼，我就即刻再要多個牛腩麵啦！點解？因為碗魚旦粉真係幾細碗！我咁大食一定唔夠飽講番味道先啦，魚旦細細粒幾有咬口，魚片味較濃岩我口味，河粉比較幼都唔錯，但個湯低真係好淡！整體尼講驚喜唔大。至於碗牛腩麵，ｄ牛腩都幾林幾香，個湯明顯比魚旦粉的鮮濃，幾好，但都一樣係咁細碗。第一次食呢度既野感覺不過不失啦，冇乜驚喜，可能因為期望太高