神川日本料理 (Closed)

早排結婚周年紀念日，諗住同老公一齊去好好慶祝下，咁岩又想去西環海旁嗰度影吓相，搵嚟搵去都唔知食咩好，見到有間日本野可以食廚師發板，咁啱我哋兩個人都未食過廚師發板，所以就嚟到神川試下。一嚟到首先有個拖羅，拖羅都好厚肉下，冇咩腥味，另外有個好似壽司嘅嘢原來係魷魚包住啲海膽。之後仲有每人一隻生蠔食，生蠔好清甜，都算係幾大隻，係我鍾意嘅creamy口味。另外都有啲吞拿魚茸同埋魚子，好似小食咁樣食配埋舊多士咁。另外仲有啲熟食食，食得太多生冷野食返熟悉都幾好，呢個牛肉煮得唔錯夠入味調味適中。