Video
Read full review
2014-07-24
4518 views
第一次咁嬲而申請OPENRICE ACCOUNT寫食評 今日同親戚去左滿屋食午市放題，其實之前已經去過幾次呢間食，之前個幾次食物都黎得幾快，對佢印象都幾好，所以今日諗住又繼續去食餐飽。點知今次食到好嬲 今日一入到去，一坐低已經開始叫野食，我地一開始已經點左好多野食，有炸物、刺身、手卷、主食、飲品等等。除左飲品係侍應即時攞比我地之外，坐左一個鐘只係食左刺身同埋幾隻焗廣島蠔，其他野食就咩都冇上。我地擔心係咪漏左我地Ｄ單，因為眼見其他人除左刺身之外，都上左好幾類食物，所以咪叫侍應跟一跟Ｄ單。一開始個侍應建議我地落得豪Ｄ，咁會上得快Ｄ，我地跟住去做，落多左幾次單，但之後仍然冇食物上。我地再次叫侍應跟一跟進，個侍應今次就話我地要隔一段時間就落下Ｄ單，咁樣食物先可以不斷咁上，但我地個問題係一直都落左幾次單，食物都冇上，聽左之後，侍應就去跟進。跟進之後，Ｄ野食終於上，但懷疑職員有所不滿，開始玩野，佢將我地所點既所有既單裡面ｄ食物全部一次過上，所上既食物根本連張枱都擺唔曬，所以咪叫侍應：「唔好再上，呢碟唔要啦，唔該幫我地CUT單啦。」但個侍應好不滿咁講：「我都係跟住Ｄ單黎上LOR
今日同親戚去左滿屋食午市放題，
其實之前已經去過幾次呢間食，
之前個幾次食物都黎得幾快，對佢印象都幾好，
所以今日諗住又繼續去食餐飽。
點知今次食到好嬲
今日一入到去，一坐低已經開始叫野食，
我地一開始已經點左好多野食，
有炸物、刺身、手卷、主食、飲品等等。
除左飲品係侍應即時攞比我地之外，
坐左一個鐘只係食左刺身同埋幾隻焗廣島蠔，
其他野食就咩都冇上。
我地擔心係咪漏左我地Ｄ單，
因為眼見其他人除左刺身之外，都上左好幾類食物，
所以咪叫侍應跟一跟Ｄ單。
一開始個侍應建議我地落得豪Ｄ，咁會上得快Ｄ，
我地跟住去做，落多左幾次單，但之後仍然冇食物上。
我地再次叫侍應跟一跟進，
個侍應今次就話我地要隔一段時間就落下Ｄ單，
咁樣食物先可以不斷咁上，
但我地個問題係一直都落左幾次單，食物都冇上，
聽左之後，侍應就去跟進。
跟進之後，Ｄ野食終於上，但懷疑職員有所不滿，開始玩野，
佢將我地所點既所有既單裡面ｄ食物全部一次過上，
所上既食物根本連張枱都擺唔曬，
所以咪叫侍應：「唔好再上，呢碟唔要啦，唔該幫我地CUT單啦。」
但個侍應好不滿咁講：「我都係跟住Ｄ單黎上LOR!」
聽到呢句，真係火到黎埋 ，
係Ｄ侍應叫我地落多Ｄ先，
所以我地所落既食物比我地要食既多好多，
依家又話返我地轉頭。
今日確實多人去食，我地都有心理準備會黎得慢Ｄ，
但成一個鐘都黎得咁少野，真係有Ｄ過份lor。
同埋，佢開得間野咁大，就預左要頂得住咁多人流去食，
而且當時只係午市已經「LUM當」，咁晚市佢重點做呢？
食評有ｄ長，但咁長既字數都表達唔到我既憤怒！！
呢一次之後，我都唔會再食呢間放題
Other Info. :
如果大家唔擔心佢係人多時，ｄ野食上得慢令你肚餓之餘，ｄ侍應又咁惡劣既話，就去食啦！！！
(The above review is the personal opinion of a user which does not represent OpenRice's point of view.)
Post