Video
Read full review
2011-01-16
15 views
伯伯既雞蛋仔應該都算係我童年回憶我自己住大坑既，睇住佢係大坑賣雞蛋仔賣左過十年細細個讀小學呀媽接放學返屋企段時間總會係街口撞到佢，呀媽總會叫我嗌伯伯，然後買一底俾我，個時先賣緊5蚊定6蚊生意都幾旺架個時，以前街口係佰樂戲院黎，個區得呢一間戲院，所以人流都幾多傾開計都知佢好多野，佢老婆仔女係大陸，係香港係得呢檔生意撐起頭家好多雞蛋仔車係冬天先開，但係夏天卅幾度有時都會見到佢，曬住做真係好勤力有時會見佢唔到，因為佢無流動小販牌，有時俾人沒收左架車生意都無得做，要自己砌返架新車有段時期佢好慘，佢以前住鐵皮屋既，唔知點解燒左，屋企財產都無晒，好慘。 仲記得上左報紙，見到佢好企左係堆瓦礫前面好無奈個樣生活所逼，佢之後都有繼續做之後都有幫襯既，但係有次屋企人係超市見到佢係度揀d裂左既特價蛋，之後就無買啦 講左咁耐故，離晒題，係時候講下佢d野食 以前佢d雞蛋仔都係用溝左真蛋既彈醬整，個時佢d雞彈仔就偏脆，空心既，同而家好唔同可能回憶總係美好，其實我都係鐘意佢以前既雞蛋仔，香口d，而唔係而家既實心雞蛋仔或者佢覺得實心，令顧客覺得抵食雖然係咁，有時等巴士都會行過少少幫襯下佢大家行過都捧下場，日日對住個炭
我自己住大坑既，睇住佢係大坑賣雞蛋仔賣左過十年
細細個讀小學呀媽接放學返屋企段時間總會係街口撞到佢，呀媽總會叫我嗌伯伯，然後買一底俾我，個時先賣緊5蚊定6蚊
生意都幾旺架個時，以前街口係佰樂戲院黎，個區得呢一間戲院，所以人流都幾多
傾開計都知佢好多野，佢老婆仔女係大陸，係香港係得呢檔生意撐起頭家
好多雞蛋仔車係冬天先開，但係夏天卅幾度有時都會見到佢，曬住做真係好勤力
有時會見佢唔到，因為佢無流動小販牌，有時俾人沒收左架車生意都無得做，要自己砌返架新車
有段時期佢好慘，佢以前住鐵皮屋既，唔知點解燒左，屋企財產都無晒，好慘。 仲記得上左報紙，見到佢好企左係堆瓦礫前面好無奈個樣
生活所逼，佢之後都有繼續做
之後都有幫襯既，但係有次屋企人係超市見到佢係度揀d裂左既特價蛋，之後就無買啦
講左咁耐故，離晒題，係時候講下佢d野食
以前佢d雞蛋仔都係用溝左真蛋既彈醬整，個時佢d雞彈仔就偏脆，空心既，同而家好唔同
可能回憶總係美好，其實我都係鐘意佢以前既雞蛋仔，香口d，而唔係而家既實心雞蛋仔
或者佢覺得實心，令顧客覺得抵食
雖然係咁，有時等巴士都會行過少少幫襯下佢
大家行過都捧下場，日日對住個炭爐其實好傷身，燒炭放出黎既二氧化硫每一分鐘好似多過食煙30倍..
Post