極尚大瀛喜日本料理

Open Now

Now Closed

講開放題，平時多數去開觀塘嘅極尚大瀛喜，貪地點方便之餘，座位闊落，容易搵位。今次再嚟食，估唔到竟然比我遇上期間限定嘅任食燒榴槤！平時喺超級市場同街市見到榴槤越買越貴，估唔到呢度不惜工本竟然可以任食，鍾意食榴槤嘅我簡直喜出望外，燒過嘅榴槤別有一番滋味，軟糯得來，又特別帶出榴槤嘅香氣。雖然每次淨係可以嗌四件，但係食完又可以再加單，所以我同屋企人都encore咗好多次，越食越滋味，超快就回本。除咗榴槤，咁梗係會食咁買其他嘢啦，呢度嘅刺身一向都係超水準，內科仲好似越嚟越靚，三文魚超厚切，同連鎖壽司店簡直冇得比；另外值得一提嘅係帶子都超大粒，唔似得平時其他放題餐廳超細粒，所有刺身都好新鮮，而且上枱極快，完全唔會漏單！無論喺出邊自助食品區，定係QR code落單嘅熟食、串燒等等，味道都非常出色，真係值得間唔中就嚟幫襯！