萬麗咖啡室 (Under Renovation)

6月頭食，忙到而家先得閒寫食評。硬照影得唔多，淨係記重點嘢食。星期六午餐，用匯豐卡埋單，一人$330左右。食呢間係因為阿妹想食長腳蟹,午餐又平d.長腳蟹有海水味，不過拆得唔叻所以肉碎碎咁。意外地食咗好多麵包蟹，蟹蓋多膏，蟹鉗啲肉又大又鮮甜，可能因為之前未食過麵包蟹啦，所以覺得好驚喜！青口正常，蝦就冇試。佢有個小櫃檯提供心太軟仔，細細份淺嘗輒止，配埋球雪糕，冰火兩重天，連我麻麻地古力都覺得好正！杯裝甜品麻麻地。班蘭蛋糕、栗子蛋糕、莓味蛋糕就很不錯，濕軟得黎唔會過甜,引人一啖又一啖咁食 。本身以為自己會食得最多cheesecake，因為次次都會喺自助餐係咁食，點知今次畀莓味蛋糕深深吸引。朱古力小甜筒就冇乜興趣。芝士西蘭花冇得輸。全場full曬，但侍應人手都相當足夠，態度都很不錯。性價比都算係咁，冇令我失望。