楠天Kitchen

Open Now

Now Closed

今日特登入科學園參加活動，早到就喺附近睇吓有咩啱食，見到呢間楠天啲嘢食有好多選擇，我同朋友都揀到啱心水就入去食。我就叫咗廚師推介嘅蒲燒滑蛋鰻魚飯，朋友就叫咗每日精選嘅欖菜帶子炒飯。 咁啱係食飯時間，搵位都要等一陣，不過好快就有位。欖菜帶子炒飯炒得好乾身，所以都覺得有啲驚喜，有鑊氣得來唔會好油，炒得粒粒分明。另外炒飯配菜都好多，除咗帶子粒，仲有生菜，欖菜，雞蛋同埋青蔥，所以性價比都算高，份量都算大份。蒲燒滑蛋鰻魚飯都覺得幾有驚喜，頭先啲蛋嘅份量足夠送飯食，同埋食落都好滑身，唔會炒得好老。另外條鰻魚明顯都有燒過，見到鰻魚邊度有燒得焦脆。另外本身食開鰻魚都好驚有好多軟骨，好彩呢條鰻魚肉質都幾好，唔會好多骨，唔錯。另外都好鍾意佢加咗啲配料好似紫菜碎同芝蔴粒。