三川居酒屋 (Closed)

我個朋友又要返sogo賣酒， 又要去銅鑼灣探佢班，周圍搵嘢食等埋佢放工唔使咁辛苦。 見到有間喺地牢嘅叫做（三川居酒屋） 好似幾正咁，要入去食下。豆腐薯仔沙律，啲芝麻醬係我嘅最愛，撈咩都咁好食。秋刀魚刺身 喺日本市場嘅秋刀魚已經買少見少 ，秋刀魚刺身仲要係即日由日本漁市場空運到港， 味道鹹鹹地 ，魚肉結實兼有質感。姿燒日本魷魚筒， 就咁食魷魚筒冇乜味，加上店內秘製醬汁，相當惹味。大阪難波牛肉石頭飯，爆香咗個洋蔥特別好食，加上大量嘅黑椒同埋充滿肉味嘅牛肉片撈埋一齊食，已經停唔到口。雞丸野菜豆腐鍋，食完咁多肉類，當然要食多啲蔬菜均衡飲食啦。自家製芝麻雪糕，好重芝麻味。餐牌上有好多不同種類的菜式，仲有（二人前，大滿足套餐$398非常抵食。