Video
Read full review
2022-11-05
1582 views
又到咗入秋進補嘅時間啦，食材就梗要揀時令當造嘅最為手合適，正所謂「秋風起、三蛇肥」，係時間嚟食個蛇宴補一補😆「四季芬芳」係有過百年歷史嘅蛇王芬所開嘅副線，餐廳設計有別於一般傳統食蛇嘅店舖，店內裝潢以sharp 醒嘅紅色同湖水藍色相撞，既保持中國傳統色彩又不失時尚摩登設計👍🏻而且位置大型商場內，方便又舒適👍🏻👍🏻「四季芬芳」除咗必食嘅蛇羹糯米飯等，仲有唔少創意料理、點心甜品等值得一試😋😋餐牌咁多選擇花多眼亂，最後我哋嗌左成台嘢食，食到飽到要捧住個肚😆🤣蛇王芬特色套餐 $139特色套餐包咗花膠太史蛇羹同蛇王芬臘味生炒糯米飯，淨係蛇羹就要$99，哩個set 真係性價比極高🤩千祈唔好睇佢細細碗，但份量絕不欺場，蛇肉絲🐍份量足，連同雞肉、木耳、冬菇等全部切成絲再煮成羹，真材實料，食完真係成個人都㷫烚烚🙊🙊生炒糯米飯粒粒分明、煙煙韌韌十分有口感，混合臘味粒同花生粒炒成，臘味獨有嘅油香撲鼻，教人食唔停口雙重黯然銷魂煲仔丼 $79賣相已經相當吸引，黯然銷魂飯就係叉燒蛋飯，「四季芬芳」嘅自製厚切叉燒以蜜汁同燒汁慢煮製成，另外仲有兩件入口即溶嘅五花腩，雙重口感double 味覺享受，中間仲有隻溫泉蛋撈埋炒
「四季芬芳」係有過百年歷史嘅蛇王芬所開嘅副線，餐廳設計有別於一般傳統食蛇嘅店舖，店內裝潢以sharp 醒嘅紅色同湖水藍色相撞，既保持中國傳統色彩又不失時尚摩登設計👍🏻而且位置大型商場內，方便又舒適👍🏻👍🏻
「四季芬芳」除咗必食嘅蛇羹糯米飯等，仲有唔少創意料理、點心甜品等值得一試😋😋餐牌咁多選擇花多眼亂，最後我哋嗌左成台嘢食，食到飽到要捧住個肚😆🤣
蛇王芬特色套餐 $139
特色套餐包咗花膠太史蛇羹同蛇王芬臘味生炒糯米飯，淨係蛇羹就要$99，哩個set 真係性價比極高🤩千祈唔好睇佢細細碗，但份量絕不欺場，蛇肉絲🐍份量足，連同雞肉、木耳、冬菇等全部切成絲再煮成羹，真材實料，食完真係成個人都㷫烚烚🙊🙊生炒糯米飯粒粒分明、煙煙韌韌十分有口感，混合臘味粒同花生粒炒成，臘味獨有嘅油香撲鼻，教人食唔停口
雙重黯然銷魂煲仔丼 $79
賣相已經相當吸引，黯然銷魂飯就係叉燒蛋飯，「四季芬芳」嘅自製厚切叉燒以蜜汁同燒汁慢煮製成，另外仲有兩件入口即溶嘅五花腩，雙重口感double 味覺享受，中間仲有隻溫泉蛋撈埋炒飯底一齊食真心讚👍🏻👍🏻
子薑麵醬魚腩煲 $109
整個砂鍋上台熱辣辣仲渣渣聲，一打開蓋麵豉醬嘅香氣即刻撲鼻而來，四大件厚切魚腩加上子薑同大量蔥同麵豉醬超級惹味，魚腩啖啖肉又肉嫩滑順，真係可以食幾碗飯🤫
蟲草花安格斯牛柳粒$99
小炒嘅鑊氣完全不輸港式大排檔，蟲草花炸到脆卜卜加上蜜糖甜甜地，第一次食到蟲草花哩個口感，估唔到配菜都已經好食到停唔到口，牛柳粒切成一口size ，雖然牛味唔算濃厚但勝在肉嫩有咬口😋😋
蛇王芬臘腸卷 $49
一客兩件紅通通脹卜卜嘅臘腸卷，淨係賣相就已經💯，每件都包住整整半條臘腸，臘腸肥瘦均勻、油香四溢，重點就算係放涼咗個包仍然好軟熟
Post
