雙人套餐 $698+10%
湯底：清涼椰子雞湯、花膠雞湯
椰子雞湯望落好清，有好多椰子肉，食落係新鮮嘅椰子肉，另外仲有4塊雞肉要放落湯煮，飲落偏甜，好香椰子味，但係唔似雞湯，比較似椰青水，用嚟打邊爐就麻麻哋。
花膠雞湯非常濃稠，有唔少雞肉粒，冬菇好香，仲有兩粒鮑魚仔，湯底味道偏濃，飲落好暖胃，feel有到膠質。浮面嘅花膠似係豬皮，煮軟咗就好入味。之後加湯打邊爐，湯底依然好有味道。
肉類：牛小排、伊比利亞黑豬肉
海鮮：鮑魚
3
菜：皇帝菜
滑類：芝士魚腐
飲品：大紅袍珍珠奶茶 +$16.5、粒粒紅柚愛玉茉綠 +$16.5
雖然menu寫每類有3-4樣選擇，但當日每類得1-2樣嘢食揀。肉類嘅肉質唔錯，而且唔會好肥。鮑魚好厚肉。除咗menu有嘅邊爐料，出面仲有自助bar揀醬料，同埋任食前菜、肉燥飯、水果。
邊爐中段，店員過嚟送咗一人一杯菠蘿沙冰，比我地解膩～食完之後，仲送咗甜品——紅豆豆乳布甸，食落有少少似豆腐花，豆味再淡啲，質感好嫩滑。
