滿屋定食

Open Now

Now Closed

晏晝去左粉嶺聯和墟嘅满屋定食食返個lunch。餐廳主要係東南亞菜，再加上唔同嘅小食。好多嘅定食set配埋一兩碟小食，大食嘅人都肯定夠飽。我地叫左 地道海南雞 配 冬蔭公湯炸蠔 鳳尾蝦絲薯卷地道海南雞跟油飯，份量都幾多，油飯用上珍珠米。海南雞肥瘦適中，食落嫰滑，有香濃嘅油味。冬蔭公湯 酸味較重，唔會太辣，幾開胃。炸蠔不過不不失，勝在夠脆鳳尾蝦絲薯卷，脆口，食到薯絲，幾好食。小食另外叫左 單骨雞翼酸辣沙律。木瓜絲爽脆，酸辣口味非常開胃。單骨雞翼入味，外皮脆脆地，好食。燒豬頸肉拼盤，燒豬頸肉切幼條，肥瘦分佈平均，燒得啱啱好。另配雞豬牛串燒各一，調味唔錯，唔會過鹹。肉質有咬口，但唔會韌。飲品大大杯~凍泰式奶茶，冇得揀甜度，不過茶底夠濃。飲落冰凍香濃。餐廳全部都係卡位，間隔私隱度高，環境唔錯！