Video
Read full review
2024-08-22
200 views
［📍銅鑼灣｜船渦 ］係銅鑼灣做完野，同朋友約左食一人一鍋蒸氣海鮮火鍋，餐廳位置闊落，兩人並排而坐，對面有竹簾隔住，私隱度高。我地叫左九品芝麻套餐，份量足，而且種類多，有前菜，海鮮，肉，丸同蔬菜。前菜係青瓜蟹柳沙律，清甜青瓜配上鮮嫩蟹柳，仲有蟹籽，口感清爽，醬汁酸甜開胃，令人胃口大開！另外仲有章魚燒，外皮香脆，內餡軟糯，醬汁香濃，味道不錯。我地仲加左個吉列炸蠔，外脆內軟，好味！食完前菜可以煮海鮮，海鮮有好多種類，例如：白蜆、大蜆、蝦、鮮魚片同鮑魚，枱面貼左建議時間，鍋亦有定時功能，唔洗驚唔識食，仲可以+1蚊加一隻鮑魚。海鮮都頗為新鮮，蜆無食到有沙，肉質鮮嫩。肉類我地揀左美國肥牛同豚肉片，仲有3粒丸 ，牛丸彈牙爽口，肉汁豐富，好味。食到差唔多，店員就會主動幫手整埋個南瓜芋頭粥，粥底吸收哂啱啱煮海鮮同肉類既精華，充滿鮮味，仲可以煮埋蔬籃作結。最後仲送左每一粒雪糕糯米糍，值得回味！九品芝麻套餐 $258
係銅鑼灣做完野，同朋友約左食一人一鍋蒸氣海鮮火鍋，餐廳位置闊落，兩人並排而坐，對面有竹簾隔住，私隱度高。
我地叫左九品芝麻套餐，份量足，而且種類多，有前菜，海鮮，肉，丸同蔬菜。
前菜係青瓜蟹柳沙律，清甜青瓜配上鮮嫩蟹柳，仲有蟹籽，口感清爽，醬汁酸甜開胃，令人胃口大開！另外仲有章魚燒，外皮香脆，內餡軟糯，醬汁香濃，味道不錯。我地仲加左個吉列炸蠔，外脆內軟，好味！
食完前菜可以煮海鮮，海鮮有好多種類，例如：白蜆、大蜆、蝦、鮮魚片同鮑魚，枱面貼左建議時間，鍋亦有定時功能，唔洗驚唔識食，仲可以+1蚊加一隻鮑魚。
海鮮都頗為新鮮，蜆無食到有沙，肉質鮮嫩。
肉類我地揀左美國肥牛同豚肉片，仲有3粒丸 ，牛丸彈牙爽口，肉汁豐富，好味。
食到差唔多，店員就會主動幫手整埋個南瓜芋頭粥，粥底吸收哂啱啱煮海鮮同肉類既精華，充滿鮮味，仲可以煮埋蔬籃作結。
最後仲送左每一粒雪糕糯米糍，值得回味！
九品芝麻套餐 $258
Post
