Video
Read full review
2009-05-11
22 views
由頭到尾都唔知名去邊度食生日飯.....太神秘了,終於等到呢一日晚上才知道係呢一間食店,亦都係本人第一次來到這一間飯店食飯,食咩完全唔知道,因為女朋友己經一早諗好哂,落完單時仲同個待應生耳語兩句........hehe....廢話少講.......入正題.首先來了一碟醉乳鴿......味道都幾好,只係覺得乳鴿肉未夠身(唔太入味),食的時候我要再"點"一吓啲酒才覺有酒味,應該呢碟仲可以有進步空間,這一碟餸其本上都值70分.響鈴火腿夾包....食法幾得意,用一塊薄的麵皮來夾一塊金華火腿加炸物,夾住來食都甜甜哋都幾好味,本人覺得應該係金華火腿啲汁係用蜜糖來做的,因為個待應生來幫我哋夾的首先見佢將塊炸物放在金華火腿的碟內"點"一下啲汁才夾的,但係呢碟餸,如果有人想試的話最好就要趁熱食,因為我倆食完第一塊之後都覺得幾好味道,但係隔了一陣再食第二塊的時候就因為凍咗,嗰塊皮己經硬了少少所以呢一樣餸要趁熱食.....呢碟餸都有78分(但真係要趁熱食--本人建議)松子桂魚(半條)....我就覺呢碟餸就一般般啦,因為唔係太特別,女朋友就覺得啲汁就唔係好夠酸"釣"唔起啲味道,但條魚都可以啦,始終都係一條炸魚
終於等到呢一日晚上才知道係呢一間食店,亦都係本人第一次來到這一間飯店食飯,食咩完全唔知道,因為女朋友己經一早諗好哂,落完單時仲同個待應生耳語兩句........hehe....廢話少講.......入正題.
首先來了一碟醉乳鴿......味道都幾好,只係覺得乳鴿肉未夠身(唔太入味),食的時候我要再"點"一吓啲酒才覺有酒味,應該呢碟仲可以有進步空間,這一碟餸其本上都值70分.
響鈴火腿夾包....食法幾得意,用一塊薄的麵皮來夾一塊金華火腿加炸物,夾住來食都甜甜哋都幾好味,本人覺得應該係金華火腿啲汁係用蜜糖來做的,因為個待應生來幫我哋夾的首先見佢將塊炸物放在金華火腿的碟內"點"一下啲汁才夾的,但係呢碟餸,如果有人想試的話最好就要趁熱食,因為我倆食完第一塊之後都覺得幾好味道,但係隔了一陣再食第二塊的時候就因為凍咗,嗰塊皮己經硬了少少所以呢一樣餸要趁熱食.....呢碟餸都有78分(但真係要趁熱食--本人建議)
松子桂魚(半條)....我就覺呢碟餸就一般般啦,因為唔係太特別,女朋友就覺得啲汁就唔係好夠酸"釣"唔起啲味道,但條魚都可以啦,始終都係一條炸魚,唔好要求太高,碟餸都合格的...60分
蘿蔔絲鰂魚湯....湯的味道好甜又有魚味但一啲都唔沒魚"聲"味...good......80分
兩個人食三餸一湯..........個肚真係好full了.
待應生收碟的時候我以為可以飲多杯茶埋單走人,點知佢哋收哂桌上的餐具之後仲放低兩隻碟和兩對筷子喎,原來係仲有甜品食..........
我真係估唔到嗰晚食的甜品原來係..............登...登...登....櫈.......壽包.......
當時我才知道原女朋友和待應生一早講什麼.......
而且呢個甜品真係未食都己經甜在心裡,更可況真係甜品來呢...........
壽包........味道都ok,因為我喜歡食蓮容做的,而佢哋係用紅豆做.........70分......但最重要的都唔係個味道,而係個心意...............食咗成晚最慘係一張相都沒影過......但係食得好開心!!
Post