Lantern Seafood Restaurant (Place 18)

神燈里個名以前淨係會係故事見得多
原來香港都有間叫神燈的中菜館 實現左我地食美食既願望😆😆真係多謝朋友介紹我地黎里間出名既中菜館食晚餐 一入到去已經坐滿客人 枱上既美食都令人垂涎三尺🤤🤤我地一坐低就即刻叫左幾道出名美食！海鮮方面有龍蝦又有蟹 重叫左乳豬 叉燒 豬手 每一道都食到嘩嘩聲真係好juicy好有鮮味好豐富！好適合一班朋友/一家人黎聚餐！因為實在太多美食 要多啲人一齊share先happy!事不宜遲 又係出相既時候！

頭盤黎講已經相當出色 我地簡左鴨翼、豬耳同燻蹄 每道都好入味 特別推介豬耳😋

一定要叫既秘密叉燒 超juicy超鬆軟超好食！

蟹肉相當鮮甜 蟹膏十足 糯米飯有水準！

龍蝦唔洗講 鮮味一足！ 粉絲底係必加的！索哂啲鮮味龍被汁🥰 一人一塊 好滿足

一定要食既脆皮鱔片😍😍😍 上面層魚片脆卜卜 魚肉好鮮甜 配上秘製醬汁 一流！

要預先預留既乳豬🥰 同一般乳豬唔同 層皮好鬆化 唔油膩 肉質好嫩

豬手配上炒米通粒重有小米椒 好岩配番支冰凍啤酒🍻 好香口令人不停密密食

配上醬汁同金菇 加分！但對比其他菜色就爭甘啲

黑糖馬拉蒸糕就好似食到馬拉糕味既黃金糕甘！ 好好食😋 流沙奶黃包都好味！熱辣辣又多餡😍

薑汁糕比較遜色 不過都好夠味道！好夠薑味！