蒲頭島 (Closed)

今晚去左佐敦隨意搵野食，上OpenRice 見到呢間野唔錯，決定試下。我同男友唔食牛，所以叫左$214個隻磯燒海鮮加火鍋放題，但其實要$10 醬油費再加一，野飲任飲，有自助雪糕湯水食，幾款熟食，火鍋材料整體不錯，特別推介手打蝦丸同手製鮮蝦雲吞，好香好好味。自助吧亦有不同丸類同蔬菜自己可以去拎。至於海鮮新鮮程度一般啦，蜆就可以無限叫，我見好多人勁叫。下次一大班人聚，都可以考慮再去，空間大，應該唔使點等位。